Дараагийн бай хотын дарга Д.Сумьяабазарыг чиглэх нь. Сүхбаатарын талбай дээр жагсаал болж Шадар сайд Я.Содбаатар, Эрүүл мэндийн сайд Т.Мөнхсайхан нарын огцруулав. Засгийн газрын нэр хүнд унав. Дөнгөж нярайлсан эмэгтэйг хүүхэдтэй нь хувцас нимгэнтэй хувцастай төрөх эмнэлгээс гаргасан асуудлаас үүдэлтэйгээр дүн өвлөөр гэнэт олон жагсагчид гараад ирсэн нь Ерөнхийлөгчийн сонгуультай холбоотой байжээ. Ерөнхий сайд У.Хүрэлсүхийн нэр хүнд энэхүү жагсаалын дараагаас аажим аажмаар унана гэж тооцоолон АН-аас Ерөнхийлөгчид нэр дэвших магадлал өндөр Ерөнхийлөгч Х.Баттулгын “нүүдэл” байв. Ерөнхийлөгч Х.Баттулга, Ерөнхий сайд У.Хүрэлсүх нар зангидсан гар шиг нийлж өөрсдийн өрсөлдөгч нараа намнасан түүх байсан бол одоо эс хүссэн хүсээгүй Ерөнхийлөгчийн сонгууль ойртоод хоёр тийш салах цаг ирснийг өчигдрийн жагсаал шууд харуулав. АН-аас жагсаалыг дэмжиж УИХ-ын гишүүн Д.Ганбат Сүхбаатарын талбай дээр гарч ирж жагсаалыг дөвийлгөн, гишүүн С.Одонтуяа суулт зарлаад байсан нь АН-ын нөхдүүдийн ард хэн хөдөлгөж чадах вэ. Хар. Талбай дээрх жагсаалыг сүржин болгох гэж нэгэн залуу хахир өвлөөр хүйтэрч хөлдөх бас шахав. Юутай ч жагсагчид зорилтот үр дүндээ хүрч У.Хүрэлсүхийн Засгийн газрыг нэгхэн өдрийн дотор хариуцлага тооцчихож чадав. Коронавирусээс үүдэлтэйгээр Засгийн газрын нэр хүндийг шалаар нэг арччихав. Яг одоо У.Хүрэлсүхийн нэр хүндийг буулгах цаг болсон гэж өрсөлдөгч талаас хэн тооцож суухав. Бод, бод. Мэдээж Ерөнхийлөгчид нэр дэвших магадлалтай Х.Баттулга. У.Хүрэлсүх, Х.Баттулга нарын зам нэгэнт салжээ. Бас нэгэн нотолгоо нь хотын дарга Д.Сумьяабазарыг огцруул гэсэн давалгаа сошиалд яваад эхэлчихжээ.

 С.НЭРГҮЙ