УИХ-ын гишүүн Т.Доржханд: Ах нарын авлигын асуудлаас хол байя гэсэн ч үг хэлэхгүй бол болохгүй нь. Монгол Улс авлигадаа ялагдсан. Дэлхийн 200 улсаас авилгаа ялж чадсан нь хөгжсөн байдаг юм. Энэ 30-40 улс л байгаа. Монголын авилгын эх үүсвэр нь Эрдэнэт, Тавантолгой, Оюу толгой гээд үргэлжлээд яваад байгаа юм.

АТГ-ын даргыг би томилъё, чи дэд даргыг нь томил гэж байснаа дарга нь дэд даргаа томилдог болгосноос танхим дүүрэн хэрүүл болгож байна. Орчин үед дэд дарга, дэд сайд нарын хэрэг байхгүй болсон. Хуучин цагт дарга гадагшаа явлаа гэхэд орлох хүн хэрэгтэй байсан. Одоо технологи хөгжөөд хаанаас л бол хаанаас ажилладаг болчихсон шүү дээ.

С.Ганбаатар гишүүнийг гадаа хүйтэнд өлсөж, ядарч байгаад эмзэглэж байна. Хувь хүний хувьд эмзэглээд байгаа юм. Гэхдээ нөгөө талдаа эдийн засаг хүндрэлтэй үед Оюу толгойг хөндөж болохгүй гэдэг байр суурьтай байдаг. 2015 оны Дубайн гэрээ хийх гэж байхад зөвлөмж өгч л байсан. Ийм эдийн засаг хүнд үед гэрээгээ сайжруулж чадахгүй, сул гэрээ хийгдэнэ гээд хэлж л байсан. Гэтэл одоо энэ нөхцөл байдал дахин давтагдах гээд байна. С.Ганбаатар гишүүний өлсгөлөн зарлаж байгаа шалтгааныг судлаад үзтэл...

Монгол Улсын Засгийн газар Нью Йоркийн шүүх дээр нэхэмжлэлээ татаж авчихсан байна гэдэг үндэслэл. Хэрэв үнэхээр Засгийн газар нэхэмжлэл гаргаад эргүүлээд нэхэмжлэлээ татаж авсан бол тэнд оффшорын асуудал байна гэж үзэгдэнэ. Тэр тохиолдолд УИХ гишүүний хувьд ХҮН-ын даргын хувьд хулгай хийсэн ах нартай хатуу үзнэ шүү. Харин эсрэгээрээ асуудал шийдэгдээгүй байхад хуулийн байгууллага хөлсөлж аваад Кинг анд Спалдинг, энэ компани нь Засгийн газрын төлөөлөл биш хэн нэгэн хүний төлөөлөл байгаад худлаа нэхэмжлэл гаргангуутаа түүнийгээ сүр бадруулаад олон нийтэд худал мэдээлэл өгч байгаа бол буруу. Ийм болохоор энэ асуудлыг сайн судалж үзээд шийдвэр гаргах нь зүйтэй гэв.