Ерөнхийлөгчийн сонгууль угтсан улс төрчдийн үйлдэл өдгөө олны сонорыг мялааж байна. Тэр дундаа Ерөнхийлөгч Х.Баттулгын үйлдэл тодоос тод байх бөгөөд өөрийн өрсөлдөгч байж болох хүмүүс рүү дайрч, гүтгэж эхэлсэн. Гүтгэлэгт хамгийн ихээр өртөж байгаа хүн нь УИХ-ын гишүүн Сү.Батболд юм. Иймээс УИХ-ын гишүүн Сү.Батболд, Ерөнхийлөгч Х.Баттулга нарын хэн нь төрд ажиллах хугацаагаа илүү үр дүнтэй, Монголчуудын төлөө ажиллаж байгааг харуулах үүднээс багахан харьцуулт хийлээ.

 Ерөнхий сайд асан, УИХ-ын гишүүн Сү.Батболд

• Улс төрд орохоосоо өмнө өөрийн бизнесийг босгож Монгол Улсын топ татвар төлөгч, ажлын байраар хангасан “Алтай холдинг” группийг үүсгэн байгуулсан
• Гадаадад алдах гэж байсан Тавантолгойн ордыг Монголд авч үлдэж чадсан
• Тавантолгой орд газарт нэг хүрз хатгалгүй, татвар төлж байгаад төрд буцааж өгсөн
• Ерөнхий сайд Сү.Батболдын Засгийн газар 2012 онд  Тавантолгойн 1072 ширхэг хувьцааг иргэн бүрт өгөх түүхэн шийдвэрийг гаргасан
• Түүний Засгийн газрын үед иргэн бүр “Эх орны хишиг” 1.5 сая төгрөг
• Ахмадын нэг сая төгрөг
• Оюутны сургалтын хоёр удаагийн төлбөр нэг сая төгрөг
• Эрүүл мэнд, нийгмийн даатгалын нөхөн төлбөр
• Сар бүр 21 мянган төгрөгийг өгсөн
• Оюу толгойн гэрээн дээр Монголын талд ашигтай байх шийдвэрийг гаргасан ганц Засгийн газар.
• Үүнд: Монголын талын төлөх ёстой зээлийн хүүг 9.9 хувь байсныг 6.5 болгон бууруулсан
• Оюутолгойн төслөөс Монголын талын авах татварын хэмжээ 0-10 хувь байсныг 20 хувь болгон нэмэгдүүлсэн
• Монгол Улсын эдийн засаг түүхэндээ анх удаа 3 хувьд хүргэсэн. Одоог хүртэл эдийн засгийн энэхүү өсөлтийг давсан үзүүлэлт манай улсад байхгүй
• 8 хувийн зээлийг анх бий болгож, олон өрх айл ипотекийн зээлээр байртай болох эхлэлийг  тавьсан
• ЗХУ-д төлөх Их өрийг төлөх дэд ажлын хэсгийг ахалж Монгол Улсын өрийг тэглэхэд гол үүрэг гүйцэтгэсэн хүний нэг.
• Үйлдвэр, худалдааны сайд байхдаа Монголын 7000 гаруй нэр төрлийн барааг Европт татваргүй гаргах, Япон Улстай Эдийн засгийн түншлэлийн гэрээг(чөлөөт худалдааны хэлэлцээр ) байгуулах эхлэлийг тавьсан
• Гадаад хэргийн дэд сайдаар Сү.Батболд ажиллахдаа АНУ-аас Монголд сууж байсан Элчин сайд Жон Дингерийн хамт дипломатчын хүчин зүтгэл гаргасаар монголчуудыг 10 жилийн визтэй болгосон

УИХ-ын гишүүн, төрийн сайд, Ерөнхийлөгч Х.Баттулга

• Төрийн өмчид байсан “Баянгол” зочид буудал, “Мах Импекс” ХК, “Талх чихэр” ХХК-ийг хувьчилж авсан
• “Женко” Х.Баттулга 17 чингэлэг спиртийн хэрэгт холбогдож, интерполоор эрэн сурвалжлагдаж байсан 
• ЗТБХБ-ын сайдаар ажиллаж байхдаа Хятадуудтай нууцаар гэрээ байгуулсан нь тодорхой болсон ч “Энэ бол нууц гэрээ биш” хэмээн мэлзэж байв
• Ухаахудаг-Гашуунсухайт чиглэлийн 267 км төмөр замд Чингис бондын санхүүжилтээр 280 сая ам.доллар зарцуулсан ч овоолсон шороо үлдээсэн
• Үйлдвэр хөдөө  аж ахуйн сайдаар ажиллаж байхдаа “Сайншанд” аж үйлдвэрийн парк байгуулахаар татвар төлөгчдийн өч төчнөөн сая төгрөгөөр ТЭЗҮ боловсруулсан ч цааснаас цааш яваагүй 
• Цонжин болдог дахь хөшөө болон 13 дугаар зуун цогцолбор бол түүний нэрийн хуудас 

Х.Баттулга 12 жил УИХ-ын гишүүн, 8 жил төрийн сайдаар, 4 жил Монгол Улсын Ерөнхийлөгчөөр ажилласан.

Энэ хугацаандаа Эх орноо хөгжилд дэвшилд авчирч болох ажлыг хийлгүй, гагцхүү өөрийн хамтрагч, өрсөлдөгчдөө 10, 20-оор нь шоронд хийж,  бусдыг гүтгэж, дайрч дайтаж өнгөрөөлөө. “Монгол ялна” гэсэн уриатай сонгогдсон Х.Баттулга Ерөнхийлөгч маань “Монгол ялагдана” гэдгийг харуулж, одоо Оюу толгойгоор ард түмнээ талцуулан улстөр хийж байна.