Ирак, Кувейт, Арабын нэгдсэн эмират улсууд Оростой нефтийн дайн зарлаж нефтийнхээ үнийг бууруулахаа мэдэгдлээ гэж Bloomberg бичсэн байна. Мэдээллийн агентлагийн мэдээлснээр Нефть экспортлогчдын байгууллагад ордог Ирак Кувейт улсууд Саудын арабын араас худалдан авагчдадаа нийлүүлэх нефтийнхээ үнийг хямдруулахаа зарлажээ. Ирак улс гэхэд л дөрөвдүгээр сард Азийн орнуудад баррель нефтиэ таван ам.доллараар нийлүүлнэ гэсэн бол Кувейт баррелийг нь зургаан ам.доллараар борлуулна гэсэн байна. Үүнээс гадна Багдад дөрөвдүээр сард нефть нийлүүлэлтээ нэмэгдүүлнэ гэжээ. ОХУ энэ сарын 6-нд Нефть экспортлогч орнуудын байгууллагын тавьсан нефть олборлох хэмжээгээ бууруулах хэлэлцээрээс татгалзсан нь улс орнуудыг ийм алхам хийхэд хүргэсэн байна. Москвагийн тайлбарлаж байгаагаар бол хэлэлцээрээр хоёр хувилбар ярьсан гэнэ. Нэгдүгээрт оросыг оролцуулаад тодорхой хугацаагаар олборлолтоо бууруулах, хоёрдугаарт Саудын Арабын санал болгосноор цаашид ч бууруулах гэсэн ч талууд санал нэгдэж чадаагүй гэнэ. Энэ хэлэлцээр ингэж тасалдсанаас болоод нефтийн үнэ 1991 оноос хойш хамгийн бага хэмжээнд хүрээд байгаа юм. Гуравдугаар сарын 9-нд гэхэд л Brent маркийн баррель нефтийн үнэ 30 хувь унаж 31 ам.доллар болсон юм.