Сарын өмнөхөн Ц.Насанбат “Сү.Батболдод хэрэг үүсгэж шалгагдаагүй” гэж мэдээлж байсан. Нью-Йоркийн шүүхийн хэрэг хэлэлцэгдэхгүй, Монголоос хуульч Ж.Майзориг боож өгсөн нь илчлэгдээд эхлэнгүүт  хэний үүрэг даалгавраар яаран сандран “Сү.Батболдыг шалгаж байгаа” гэх мэдээллийг өгөх болов.

Иргэний хэргээр үүссэн маргаанд Нийслэлийн прокурор яагаад оролцох болов. Төрийн өмчийн бодлого зохицуулалтын газар, “Эрдэнэт үйлдвэр” ТӨБЗГ, “Эрдэнэс Оюу толгой” Засгийн газраас буюу хохирсон гэх байгууллагууд нь огт мэдээгүй байхад өмнөөс нь Иргэний хэргийн шүүхэд Ц.Насанбат прокурор өгчихсөн байгаа. 

Тэгэхээр Нью-Йоркйн шүүхийн хэрэг дээр анхнаасаа Засгийн газар татсан гэдэг нь худлаа байжээ.  Нийслэлийн Прокурорын орлогч Ц.Насанбат энэ шүүхийн маргааныг эхлүүлээд явсан гэдгээ хэлж байна.

“Кинг спалдинг” 2020 оны 12 сарын 09-ний өдөр С.Батболд нарын 8 хүний гомдлыг өөрсдөө сайн дураараа татаж авсан. Мөн “Кинг спалдинг” хуулийн фирм 2021 оны 01 сарын 19-ны өдөр үлдсэн найман хүний гомдлыг сайн дураараа татаж авсан.

Ингээд гомдлыг шалгах шүхийн явц зогсчээ. Хуулийн фирм өөрсдөө нэхэмжлэлээ татсан нь баримтаараа байхад Монголд яагаад Сү.Батболдтой холбосон гүтгэлгийг хийх болов? Тэгэхээр Засгийн газар, Хууль зүйн сайд, Ерөнхий сайд мэдэхгүй байх нь аргагүй биз.

Энэ хэргийг зохион байгуулалттайгаар хийсэн гэдгийг мэдэж байгаа хүмүүс нь  Ерөнхийлөгч болон түүний томилдог прокурор юм гэдэг нь Ц.Насанбатын хэвлэлд өгсөн ярилцлагаас тодорхой боллоо.