Сүхбаатар, Чингэлтэй, Баянзүрх дүүргийн эрүүгийн хэргийн анхан шатны шүүхийн шүүгч Х.Идэр, З.Болдбаатар, АТГ-ын ажилтан П.Чулуунбаатар нарын таван хүн биеэ үнэлэгч авсан  байж болзошгүй бичлэг өнгөрсөн амралтын өдөр олон нийтэд ил болсон.

Энэ талаар ЦЕГ-ын хэвлэл мэдээллийн төвийн дарга Б.Баатархүү “Урьдчилсан байдлаар шалгалтын явцад “биеэ үнэлэлт”-ийг зохион байгуулсан байж болзошгүй эд мөрийн баримт олдсон тул хэрэг нээж, прокурорт явуулах саналыг хүргүүлж байна. Холбогдсон хүмүүсээс байцаалт, мэдүүлэг авсан. Тухайн бичлэг дээр гарсан эмэгтэйчүүдийн данс руу мөнгө шилжүүлсэн нь эхний байдлаар мөн тогтоогдсон. Гэхдээ үүнийг цаашид шалгаж, мөрдөн байцаалтын ажиллагааг үргэлжлүүлэх шаардлагатай. Мөн прокурорын зөвшөөрөлгүй олон нийтэд энэ талаар мэдээлэл өгөх боломжгүй байна” гэж мэдээлсэн.

Нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн шүүгч Х.Идэр анхаарал татаж байна. 

Шүүгч Х.Идэр ХХБ­ны ТУЗ-­ийн дарга Д.Эрдэнэбилэг, тус банкны гүйцэтгэх захирал О.Орхон, “Монголиан майнинг корпорэйшн” ХХК­ийн гүйцэтгэх захирал Ц.Пүрэвтүвшин нарыг цагдан хорих Эдийн засгийн гэмт хэрэгтэй тэмцэх газрын хүсэлт, нийслэлийн хяналтын прокурорын шийдвэрийг хүлээж авалгүй, сулласан явдал юм. Мөн Х.Идэр Ерөнхий сайд асан Н.Алтанхуягийн зөвлөх Л.Гансүх нарт холбогдох хэрэг, Ерөнхий сайд асан Ж.Эрдэнэбат нарын хэргийг даргалж байсан шүүгч юм. 

Тиймдээ ч улстөрчдийн анхаарлын төвд орж, хэн нэг улстөрч, албан тушаалтан хэвлэлийн бага хурал хийхдээ түүнийг худалдагсан, хонгилын шүүгч гэх мэтээр цоллож байсан удаатай. Мөн 2018 оны сүүлчээс 2019 оны хоёрдугаар сарын эхэн хүртэл өөрсдийгөө “Шударга тав” хэмээн нэрлэсэн тухайн үеийн УИХ­ын гишүүн Л.Оюун­Эрдэнэ, Ж.Батзандан, Т.Аюурсайхан, Х.Нямбаатар, Л.Болд нар шүүгч Х.Идэрт хариуцлага тооцуулахаар холбогдох бүхий албаныханд хандсан ч тодорхой үр дүнд хүрээгүй.

Сар гарны өмнө ерөнхийлөгч Б.Баттулгын зарлигаар ЭХАШ-ны шүүгчээр гурван хүн томилогдож байсан. Үүнийг нэг нь Д.Отгонбаатар. 

Өөрөөр хэлбэл энэ хоёр хүнийг Ерөнхийлөгч Х.Баттулгын ойрын хүн. Тэр дундаа Төрийн ордны 3 давхарт Ерөнхийлөгчийн өрөөний үүдээр эргэлдэж, Ерөнхийлөгчөөс заавар авдаг гэх яриа цахим орчинд гарчээ.