Монгол Улсаас Сингапур улсад суугаа Элчин сайд Т.Лхагвадорж нь Ерөнхийлөгч Х.Баттулын хүргэн. Сингапурт оффшортой Х.Баттулгын хөрөнгийг манаж, оффшор компанийн үйл ажиллагааг зохицуулдаг гэгддэг. Т.Лхагвадоржийг УИХ-аас 2015 онд Элчин сайдаар томилсон.

Ерөнхийлөгч Х.Баттулгын хүргэн Т.Лхагвадорж 2011 оны есдүгээр сард Тайландын “Банпү Групп”-д Монгол Улсын Өмнөговь, Дундговь, Сүхбаатар аймагт байдаг Цант уул, Үнст худаг зэрэг нүүрсний орд газрыг нийт 443 сая ам.доллараар худалджээ. Энэ мэдээг энэ линкээр орж уншиж болно. https://www.nationthailand.com/business/30165112

“Банпү Групп”-д зарсан эдгээр ордын лиценз дээрээ тун удалгүй маргаан үүсгэсэн. Тэгээд нөгөө Тайланд компани мөнгө ч үгүй, лиценз ч үгүй болж, одоог хүртэл Тайландын төрийнхөн энэ асуудлыг байнга хөндөж ярьдаг.

Монгол Улсаас Сингапур Улсад суугаа Онц бөгөөд Бүрэн эрхт Элчин сайд Өдгөө Т.Лхагвадорж нь үүнээс гадна “Корес” компанийг “Камекс” ХХК-ийн дор байгуулж, солонгосчуудтай лицензийн наймаа хийсэн гэгддэг. Хүргэн Т.Лхагвадорж нь уурхай баяжуулагч, металлургын инженер мэргэжилтэй, “Эрдэнэт” үйлдвэр, “Монголросцветмэт”, “Энержи ресурс” зэрэг томоохон газарт албан тушаал хашиж байсан. Тавантолгой, Асгат, Ухаа худаг гэх мэт томоохон төслүүдтэй холбоотой ажиллаж байсан. 

Австрали партнеруудын хамт компани байгуулж, Австралийн хөрөнгийн бирж дээр хөрөнгө босгож байсан уул уурхай дээр гаршсан нэгэн.

Түүний тухай УИХ-ын гишүүн асан Д.Гантулга “Х.Баттулгын төрсөн эгчийн хүргэн” гэсэн мэдээллийг хийж байв. 

Т.Лхагвадорж нь Х.Баттулгын төрсөн эгч Х.Цэндбаярын охин М.Золжаргалын нөхөр. М.Золжаргал нь Солонгосын засгийн газрын мэдэлд байдаг “Kоrs” уул уурхайн компанийн захирлын зөвлөхөөр ажиллаж байсан. 

Ерөнхийлөгч Х.Баттулгын компаниуд ямархуу хэлбэрээр анх байгуулагддаг, явцын дунд зүсээ хэрхэн өөрчилдөг өөрийн гэсэн тогтсон схем, аргачлалтай юм. Түүний бизнесийг төрсөн эгч Х.Цэндбаяр нь хариуцдаг. Тухайлбал, “Баянгол” зочид буудлыг олон жил хариуцан ажиллуулсан. Харин үл хөдлөх хөрөнгүүдийг нь хүргэн ах П.Моломжамц нь мэддэг аж. П.Моломжамцын охин М.Золжаргалын нөхөр Т.Лхагвадорж бизнесийг нь удирдах үйл ажиллагаанд оролцдог. Энэ гэр бүл бүлэглэлийн мэдэлд хайгуулын болон олборлолтын 39 лиценз, 43 компани, 49 үл хөдлөх хөрөнгө байдаг талаар 2017 оны УИХ-ын гишүүн мэдээлэл хийж байв.

Иргэд 0.07 га газраа эзэмшиж чадахгүй байхад тэдний эзэмшиж байгаа газрынх нь хэмжээ 240 мянган га. Баянхонгорт 10, Сэлэнгэ, Дундговьт тус бүр тав, Дорнод, Төв аймагт тус бүр дөрөв, Баян-Өлгий, Дорноговь, Сүхбаатар, Увс аймаг, тус бүр хоёр, Говь-Алтай, Хөвсгөл аймаг, Налайх дүүрэгт тус бүр нэг нэг лиценз эзэмшиж байна. 43 компанийнх нь дунд оффшор бүсэд бүртгэлтэй хэд хэдэн компани нь бий.

Элчин сайд Т.Лхагвадорж нь цагтаа “Хүннү коал”-ын Жорж Төмөр нэрээрээ хөрөнгийн зах зээлд танигдаж явсан бол өдгөө Х.Баттулгын гол түнш Сингапурын топ тэрбумтан Билли нарын оффшор компанийн гол зохицуулалтыг хийж байгаа болов уу. Тэгээд ч Х.Баттулга нь хүргэн Т.Лхагвадоржийг зориуд Сингапурт Элчин сайдаар томилсон бололтой.

С.ЭНХБАЯР