“Эрдэнэс Силвер Ресурс”-ын нууц “эзэн” нь Ерөнхийлөгч Х.Баттулга гэв үү?

Цөлжилтийг эдийн засгийн боломж болгох соргог ухаан Монголд хэрэгтэй байна COP17: Дэд хороодын ажлын уялдааг сайжруулж, эрчимжүүлэх үүрэг өглөө “Оюутолгой” ХХК-д ногдуулсан төлбөр төлөх асуудлыг эцэслэн шийдвэрлэлээ Ихэнх нутгаар хуурайшилт нэмэгдэх тул болзошгүй гал түймрийн аюулаас сэрэмжтэй байхыг анхаарууллаа ХЗДХ-ийн сайд С.Амарсайхан “Ухаарахуй, Урлахуй-2” хүмүүжигч нарын уран зураг, гар урлалын бүтээлийн үзэсгэлэнгээр зочиллоо “Цахим шүүх 2.0” системийн хөгжүүлэлтийн явцтай танилцжээ Зам, тээврийн яам, НҮБ‑ын Хөгжлийн Хөтөлбөр хамтран “Цахилгаан автомашин эзэмшигчийн судалгаа”-г хийж байна Хан-Уул дүүргийн 22 дугаар хороо, Зайсан орчимд хоёр байршилд нийт 1.9 км авто зам барина Зам, тээврийн сайд Б.Дэлгэрсайхан Олон Улсын Тээврийн Форумын сайд нарын зөвлөлийн хуралд оролцож байна БОУАӨ-ийн сайд Ц.Сандаг-Очир: Төрийн үйлчилгээ иргэддээ илүү нээлттэй, ойр байх ёстой “NO BRAND” дэлгүүр Монголд нэвтрэх мастер франчайзын гэрээнд гарын үсэг зурлаа Улсын нэгдүгээр төв эмнэлэг олон улсын стандарт ISO/IEC 27001:2022 нэвтрүүллээ Бизнес эрхлэх болон хөрөнгө оруулалтын орчныг сайжруулж, хүнд суртлаас чөлөөлж ажиллахаа Ерөнхий сайд Н.Учрал мэдэгдлээ “POWER EXPO & FESTIVAL” олон улсын наадам 14 дэх жилдээ зохион байгуулагдана Цахим мөрийтэй тоглоом зохион байгуулдаг 2 бүлгийн 23 этгээдийг баривчилж, 3.8 тэрбум төгрөгийн үнэлгээ бүхий эд зүйлийг битүүмжилжээ

Гадаадыхны мэдэлд ороод байсан Салхитын мөнгөний ордыг 2018 онд тухайн үеийн ЗГХЭГ-ын дарга Г.Занданшатар, тагнуул, цагдаагийн тусгай, дотоодын цэргийн бүрэлдэхүүнтэйгээр Дундговь аймагт аймагт гүйцэтгэх ажиллагаа явуулж, Салхитын мөнгөний ордыг төрийн мэдэлд авч байв.

Улмаар 2019 онд тус ордод хайгуул хийх, ашиглах тусгай зөвшөөрлийг “Эрдэнэс Силвер Ресурс” ХХК-д шилжүүлж, олборлолтын үйл ажиллагааг нь эхлүүлсэн байдаг.

Тэгвэл “Эрдэнэс Силвер Ресурс” ХХК-д Авлигатай тэмцэх газраас санхүүгийн шалгалт оруулжээ.

Шалгалтаар тендер шалгаруулахгүйгээр тоног төхөөрөмж худалдаж авсан, ашиг орлогоос цугларсан 37 сая ам.доллар буюу 105 тэрбум төгрөгийг Монголбанкинд тушаах атал Худалдаа хөгжлийн банкинд байршуулж, хүүг нь “завшиж” байсан байж болзошгүй нөхцөл байдал илэрчээ.

Тиймээс тус компанийн гүйцэтгэх захирал Т.Мөнхбаярт хэрэг бүртгэлтийн хэрэг нээж, шалгаж эхэлсэн гэх мэдээлэл байна.

Тэгвэл “Эрдэнэс Силвер Ресурс” ХХК-ийн гүйцэтгэх захирал Т.Мөнхбаяр, Монгол Улсын Ерөнхийлөгч Х.Баттулга нар сайн хамтрагчид, бас гар нийлсэн түнш болсон бололтой. Учир нь, Ерөнхийлөгч Х.Баттулга 2019 оны сүүлч, 2020 оны босгон дээр буурлуудаа өрийн дарамтаас чөгөөлөх зорилгоор алдагдсан байсан Салхитын мөнгөний ордоо эдийн засгийн эргэлтэд оруулах замаар тэтгэврийн зээлийг нэг удаа тэглэх шийдвэр гаргаснаа зарласан.

Нөгөөтэйгүүр, Салхитын мөнгөний ордыг төрд авч, хайгуул хийх, ашиглах тусгай зөвшөөрлийг “Эрдэнэс Силвер Ресурс” ХХК-д шилжүүлснээр Монгол Улсын Ерөнхийлөгч амласнаа биелүүлэх боломжтой болсон. Улмаар ирэх тавдугаар сараас зээлгүй ахмадуудад нэг сая төгрөгийн эрхийн бичиг олгох юм. Энэ хэрээр Монгол Улсын Ерөнхийлөгч Х.Баттулга, “Эрдэнэс Силвер Ресурс” ХХК-ийн гүйцэтгэх захирал Т.Мөнхбаяр нарын харилцаа улам гүнзгийрсэн бололтой.

Одоо Монгол Улсын Ерөнхийлөгчийн сонгуульд дахин горилж буй Х.Баттулгын сонгуулийн хамгийн том хандивлагч, санхүүгийн “гол түнш” нь Т.Мөнхбаяр гэсэн таамаглал хөвөрч байна. Нэр дэвших эрхтэй болбол шүү дээ. Тэгэхээр нууц “эзэн” нь Х.Баттулга, гүйцэлдүүлэгч нь “Эрдэнэс Силвер Ресурс”-ийн гүйцэтгэх захирал Т.Мөнхбаяр гэсэн үг үү. Цаг хугацаа бүхний шүүлтүүр гэдэг. Тиймээс хүлээх л үлдлээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.