Гадны шүүхэд гомдол гаргахад хуулийн фирм, мөрдөх товчоо гэх мэт асар өндөр өртгөөр монгол хүн нэгнээ шалгуулахаар улайрч байна.

Сингаурын Дээд шүүх дээр Монголын нэр бүхий улстөрчийн хэргийг шалгаж эхэлсэн гэх мэдээлэл саяхнаас эрчтэй цацагдсан. Сингаурын Дээд шүүхийн хэргийн тухай мэдээллийг хүргье.

Монголын талаас Сингапурын Дээд шүүх дэх маргаанд Нийслэлийн Ерөнхий прокурорын орлогч Ц.Насанбат тэргүүтэй прокурорын байгууллага төрийн нэр бүхий байгууллагуудын өмнөөс нэхэмжлэгчээр оролцон  гадны хуулийн фирм болох “Rev Law” ХХК шүүхэд төлөөлж оролцож байгаа аж.

Сингапурын Дээд шүүхээс 2021 оны хоёрдугаар сарын 26-ны өдөр  урьдчилсан дүгнэлтээр нэхэмжлэгчдийг “Rev Law” ХХК бүрэн төлөөлөх эрхтэй гэж үзсэн гэх мэдээлэл цацагдсан.

Өмнө нь Сү.Батболдыг Нью-Йоркийн шүүхээс шалгаж байна гэх мэдээлэл цацагдаж, Нью-Йоркийн шүүхээс энэ хэргийг авч хэлэлцэх үндэслэлгүй гэж үзсэн. Нью-Йоркийн шүүхэд Сү.Батболд нартай холбоотой элдэв шар мэдээллийг Ерөнхийлөгч Х.Баттулгатай хамт төмөр замын хэрэгт шалгагдаж явсан хуульч Ж.Майзориг боож өгсөн нь илчлэгдсэн. Тухайн шүүх гэм бурууг тогтоогдох, хэлэлцэх ямар ч үндэслэл алга гэх шалтгаанаар хаасан.

Тэгвэл одоо Сү.Батболд нарыг Сингапурын шүүхээр энэ 2 сарын 26-ны өдрөөс эхлэн дахин шалгуулахаар нэхэмжлэгч талаас улайрах болов.

Хэний үүрэг даалгавраар ямар учиртай үнэн худал нь мэдэгдэхгүй гүтгэлэг бүхий мэдээллийг улс орон дамнуулан өмгөөллийн болон хувийн мөрдөх товчоо хөлслөөд байгаа вэ.

Сингапур улсын Дээд шүүхэд яагаад хандав. Сингапуртай манай улстөрчдөөс хэн хамгийн их холбоо, сүлжээтэй вэ. Сингапурын Билли Лим Пау гэх монголжсон хятад тэрбумтан Женко компанитай, Х.Баттулгатай холбоо сүлбээтэй буюу оффшор компаниараа холбогддог. Сингапурын шүүхийн хэрэгт К-2 мөрдөх товчоо Монголын улстөрчдийг тагнаж чагнасан гэх мэдээллийн мөрөөр К-2 мөрдөх товчооны тухай товч мэдээллийг хүргье. Олон улсад ёс зүйгүй, хуурамч мэдээлэл түгээдгээрээ алдартай “К-2 intelligence” мөрдөх товчоо нь Монголын нэр бүхий улстөрчдийг тагнан чагнах үйл ажиллагаа явуулсан бөгөөд үүнийгээ зарлаж хэд хэдэн шүүхүүдэд хандаад байгаа юм. К-2 нь өмнө нь Нью-Йоркийн шүүх дээрээс хөөгдөөд гарсан.

К-2 хувийн мөрдөх товчоог 79 настай Эулес Кролл нь өөрийн хүү Жеремитэйгээ ажиллуулдаг.

К-2 нь гадаадын шүүхүүд дээр Монгол Улсын нэр бүхий улстөрчдийг тагнаж, “Маш нууц” гэх дардастай материалууд, АТГ-ын хөрөнгө орлогын мэдүүлэг гэх зэрэг хөрөнгө орлогын мэдүүлэг гэх зэрэг материалуудын  бүрдүүлбэр хийсэн гэх.

Канадад төвтэй mongoliaweekly.org цахим сэтгүүлд 2021.02.01-ний өдөр гарсан What to expect from a Khurelsukh2battulga showdown нийтлэлд “Нэхэмжлэгчийн захиалгаар К-2 тагнуулын байгууллага Сү.Батболдын эсрэг тайлан бэлтгэсэн” гэх өгүүлбэр байгаа нь анхаарал татна.

Уг нийтлэлээс үзвэл К-2 гадны хувийн тусгай алба нь Сү.Батболдоор зогсохгүй Ерөнхий сайд нар, УИХ-ын зарим гишүүд дээр тусгай ажиллагаа явуулж хувийн мэдээллийг нь цуглуулан авсан байж болзошгүй байгаа аж.