Гадны хувийн мөрдөх товчоо, өмгөөллийн компанид асар өндөр үнэ Монголоос төлж монгол иргэнээ шалгуулж буй тухай гадны хэвлэлүүд дээр мэдээлэл гарчээ. Канадад төвтэй mongoliaweekly.org цахим сэтгүүлд 2021.02.01-ний өдөр гарсан What to expect from a Khurelsukh2battulga showdown гадны нийтлэлд “Нэхэмжлэгчийн захиалгаар К-2 тагнуулын байгууллага Сү.Батболдын эсрэг тайлан бэлтгэсэн” гэх өгүүлбэр байгаа нь анхаарал татна. Уг нийтлэлд “МАН-ын нөлөө бүхий хоёр гишүүн, Н.Номтойбаяр, Ерөнхий сайд асан Ж.Эрдэнэбат нарт авлигын эсрэг хэрэг нээн ял өгч шийтгэсэн. Х.Баттулгын хувьд Ардчилсан нам дотроо өрсөлдөгчгүйгээ явах түрэмгий бодлого баримталж байна. Өнгөрсөн хэдэн жилд Ерөнхий сайд асан  Ж.Эрдэнэбат болон Ц.Элбэгдорж нарыг Тавантолгой нүүрсний уурхайн эргэн тойрны асуудлаар гаргасан шийдвэртэй байсан гэдгээр мөрдөн байцаалт явуулж байна” гэж дурджээ.

Уг нийтлэлээс үзвэл К-2 гадны хувийн тусгай алба нь Сү.Батболдоор зогсохгүй Ерөнхий сайд нар, УИХ-ын зарим гишүүд дээр тусгай ажиллагаа явуулж хувийн мэдээллийг нь цуглуулан авсан байж болзошгүй гэж дурджээ.

“К-2 intelligence” мөрдөх товчоо нь олон улсад ёс зүйгүй, хуурамч мэдээлэл түгээдгээрээ алдартай бөгөөд уг мөрдөх товчоо нь Монголын нэр бүхий улстөрчдийг тагнан чагнах үйл ажиллагаа явуулсан гэдгээ зарлаж хэд хэдэн шүүхүүдэд хандаад байгаа аж. К-2 нь өмнө нь Нью-Йоркийн шүүх дээрээс хөөгдөөд гарсан товчоо. Нью-Йоркийн шүүхээс шившигтэйгээр буцсан хэрэг одоо Сингапурын шүүх рүү явж эхэлжээ.

К-2 мөрдөх товчооны гүтгэлэгт мэдээллийн дагуу УИХ-ын гишүүн Сү.Батболд нарыг Сингапурын Дээд шүүхэд шалгуулах нэхэмжлэлийг гаргасан байна. Энэ нь УИХ-ын гишүүн Сү.Батболдыг Монголоос захиалж зорилготойгоор гүтгүүлж оффшор, үл хөдлөх хөрөнгөтэй гэх мэт гүтгэлэгт мэдээллийг тарааж байгаа гэдгийг батлан харуулах болжээ

Х.БАТ