Ерөнхийлөгчийн сонгуулийг угтсан улс төрийн захиалгатай гүтгэх технологийг улс орон дамнуулан явуулж байгаа талаар мэдээлэл гарч байгаа билээ.

Аливаа шүүх, хуулийн байгууллагад хэн нэгэн гомдол гаргавал ямар ч улсын шүүх ирсэн гомдлын дагуу шалгадаг. Иргэн та, би ч хэн нэгний талаар гомдол үүсгэж шүүхэд хандах эрх бий. Шүүх хэрэг үүсгэх үндэслэлтэй эсэх, хэрэг үүсгэх болвол шүүн таслах ажиллагаа явуулах хүртэлх процесс гэх мэтээр ор үндэсгүй гүтгэлэг байлаа ч эргээд буруугүй нь нотлогдтол тодорхой их цаг хугацаа шаардагдана.

Ерөнхийлөгчийн сонгуулийг угтан Монголоос нэр бүхий улстөрч захиалга өгч, УИХ-ын гишүүн Сү.Батболд нарыг шалгуулахаар Нью-Йорк, Сингапур гэх мэт 6 орноор дамнуулан гомдол үүсгээд байна.

Захиалагч нь Ерөнхийлөгч Х.Баттулга байж болзошгүй баримт эхнээсээ гарч ирж байна.

УИХ-ын гишүүн Сү.Батболдын хуульчид Нью-Йоркийн шүүхэд хандан Ерөнхийлөгч Х.Баттулгын улс төрийн захиалгат үйлдлийг биелүүлж буй этгээдүүдийг ил болгох нэхэмжлэл гаргасан талаар Bloomberg агентлаг цахим хуудастаа мэдээлжээ. Энэхүү нэхэмжлэлийн агуулгад “Сү.Батболдын эсрэг тив дамнасан гүтгэлгийг хэн, хаанаас захиалж, зохион байгуулсан, хэрхэн санхүүжүүлсэн, энэ ажиллагааг гардан гүйцэтгэхэд оролцсон тодорхой хүмүүсийн талаарх мэдээллийг ил болгохыг шаардаж байна. Төрийн өмчийн бодлого зохицуулалтын газар, “Эрдэнэс Оюу Толгой” ХХК, “Эрдэнэт” ТӨҮГ зэрэг төрийн байгууллага болон төрийн өмчит компаниуд нь Сү.Батболдын эсрэг ямарваа нэг нэхэмжлэл гаргаагүй, ямарваа нэг нэхэмжлэл гаргах хүсэлт прокурорт тавиагүй гэдгээ албан ёсоор мэдэгдсэн. Гэтэл Нийслэлийн прокурорын орлогч нь дотоодын шүүхэд бие даан нэхэмжлэл үүсгэж, гадны улсуудын шүүхэд Монгол Улсын Засгийн газар болон энэ гурван байгууллагын нэрийг ашиглаж байгаа нь илт хууль зөрчсөн үйлдэл гэж үзэж байна” гэх утга бүхий мэдээллийг Bloomberg агентлаг цахим хуудастаа мэдээлжээ.

Гадны шүүх, өмгөөллийн болон мөрдөх товчоонд асар их мөнгө зарж юуны учир Сү.Батболд нарыг шалгуулахаар шүүхийн зарга үүсгэж байгаа вэ? Энэ бүхний ард одоогийн Ерөнхийлөгч Х.Баттулга байж болзошгүй гэх мэдээ, мэдээлэл гадаад, дотоодын хэвлэлээр олонтаа бичигдэж эхэлсэн. Ерөнхийлөгч Х.Баттулгатай холбогдох дараах баримтуудыг хүргье.

• Баримт нэг: Нью-Йоркийн шүүхэд анх Сү.Батболдын талаар элдэв гүтгэлэг боож өгсөн хүн нь Х.Баттулгатай хамт төмөр замын мөнгө шамшигдуулсан хэргээр шалгагдаж байсан хуульч Ж.Майзориг байв. Тэрээр шүүхэд гүтгэлэг бүхий 600 гаруй хуудас материалыг гаргаж өгсөн хуульч. 

• Баримт хоёр: Нийслэлийн прокурорын орлогч Ц.Насанбат Сү.Батболдын талаар гүтгэлэг бүхий ярилцлага хэвлэл мэдээллийн хэрэгслээр ил ярьсан төдийгүй “Маш нууц” тамгатайгаар Баянзүрх дүүргийн шүүхэд Иргэний гомдлоор Сү.Батболд нарт холбогдох хэргийг үүсгэсэн прокурор юм.

          Ц.Насанбат прокурор нь хонгилддог, оцогногч Б.Баасанцогттой Төрийн ордны гуравдугаар давхарт уулзаж буй зураг нь олон нийтэд ил дэлгэгдсэн.

          Лифтэнд “оцогногч” Б.Баасанцогт нь нэр бүхий улстөрчдийг гүтгэх, шүүн таслах, хорих төлөвлөгөө, схем гаргаж явсан нь баримтаараа илчлэгдсэн ба Ерөнхийлөгч Х.Баттулга болон түүний ойр                    ажилладаг албан тушаалтан нартай ойр дотно, холбоотой ажилладаг нь илэрсэн. Б.Баасанцогт прокурор Ц.Насанбаттай яагаад уулзав. Гүтгэх үүрэг даалгаврыг прокурорт өгсөн үү гэх яриа гарсан                байгаа ба тэдэнтэ холбоотой баримтууд удахгүй задрах бололтой.

          Дашрамд дурдахад лифтэнд оцогнодог Б.Баасанцогттой хамт архи ууж, бүсгүйчүүдтэй наргисан Сүхбаатар дүүргийн эрүүгийн хэргийн анхан шатны шүүгч З.Болдбаатар нь Ерөнхийлөгч Х.Баттулгын            "төмөр замын хэргийг хааж замхруулсан шүүгчдийн нэг байв. 

• Баримт гурав: Ерөнхийлөгчийн Тамгын газрын дэд дарга Б.Саруул  нь Ерөнхийлөгч Х.Баттулгын хүн бөгөөд төрийг төлөөлсөн ажил эрхэлдэг албан тушаалтан боловч баримт нотолгоогүй мэдээллийг Төрийн ордонд хийсэн. Тэрээр Сү.Батболд нарын хүмүүсийг оффшор бүс, Монгол-Солонгос иргэдтэй холбоотой мөнгө санхүүгийн схем бүхий танилцуулгыг “Ард түмний нэрийн өмнөөс” гэсэн нэртэй нэвтрүүлгийг өөрөө биечлэн хийж тайлбарлан ярьсан. Юуны учир шүүхээр тогтоогдоогүй хэргийг Тамгын газрын дарга Б.Саруул хэний үүрэг болгосноор Төрийн танхимд бусдын нэр төрд халдсан мэдээлэл хийв?

• Баримт дөрөв: Сү.Батболд нарыг Сингаурын Дээд шүүхэд шалгуулахаар болсон нь цаанаа учиртай гэгдэж байна.

          Сингапурын тэрбумтан Билли Лим Пау нь Х.Баттулгын бизнесийн гол хамтрагч, анд найз нь. Ерөнхийлөгч Х.Баттулгын оффшорын нэг болох Сингапурт бүртгэлтэй  “Женко Холдинг Пи-Ти-И” оффшор            компанийн 50 хувийг Х.Баттулгын охин Намуун, үлдсэн 50 хувийг Х.Баттулгын Сингапурын хятад Билли Лим өөрийн хүү Деннис Лимээр дамжуулан эзэмшдэг. Сингапурын иргэн Билли Лим Пау нь                "Баянгол зочид буудал" ХК-ийн албан ёсны хувьцаа эзэмшигчдийн нэг, "Женко тур бюро" ХК-ийн ТУЗ-ийн дарга. Женко ХХК нь Монголд нэр төдий байдаг Сингапурт гол хөрөнгө нь оффшороор                    хадгалагддаг. Гадны хэвлэлд гарч буйгаар монголын улстөрчийн захиалгаар К-2 мөрдөх албанаас Монголын Ерөнхий сайд нар, УИХ-ын гишүүд дээр тусгай ажиллагаа явуулж элдвэ шар мэдээллийг              цуглуулан шүүхэд гарган өгсөн гэх. Үүний ард  Монголын Ерөнхийлөгч Х.Баттулга бий юу гэх утга бүхий мэдээлэл гарч байна. Монголын нэр бүхий улстөрчдийг гүтгэх ажиллагааг зохион байгуулсан            хэрэгт харагдаж эхэлсэн Ерөнхийлөгч Х.Баттулга нь Сингапурын тэрбумтан анд найзаасаа шүүхийн асуудал дээр тусламж хүссэн үү үгүй юу?.

• Баримт тав: Сингапур улсад Монголыг төлөөлж Элчин сайдаар Ерөнхийлөгч Х.Баттулгын хүргэн Т.Лхагвадорж 2015 оноос хойш томилогдон ажиллаж байна. Тэрээр Х.Баттулгын төрсөн эгч Х.Цэндбаярын охин М.Золжаргалын нөхөр. Элчин сайд Т.Лхагвадорж нь цагтаа “Хүннү коал”-ын Жорж Төмөр нэрээрээ хөрөнгийн зах зээлд танигдан уул уурхайтай гүн холбогддог. Уул уурхайн чадварлаг мэргэжилтний хувьд Х.Баттулгын Сингапур дахь оффшор, уул уурхайг зарах ажлыг гүйцэтгэдэг талаар хэвлэл мэдээллийн хэрэгслээр мэдээлэл түгэж байсан.

          Одоо тэрээр Сү.Батболд нарыг Сингапурын Дээд шүүхэд шалгуулахаар хандаад буй хэрэгт тодорхой хэмжээгээр анхаарлаа хандуулан ажиллах эрх бүхий хүний нэг болж таарч байгаа.

          Т.Лхагвадорж нь Монгол Улсаас суугаа Элчин сайдын хувьд тус улсын шүүхэд улсаа төлөөлж тодорхой баримт бичиг үйлдэн гаргаж өгөх эрх мэдэл бүхий хүний нэгээр ажиллаж байгаа юу?

Л.ЗУЛ