Нийслэлийн прокурорын орлогч Ц.Насанбат, шүүгч Б.Баасанцогт нар Төрийн ордны 3 давхар ялын захиалгаа аваад сууж байна. Энэ нь шударга бусын хонгил байдаг гэдгийн бодит нотолгоо болж байна.

“Төрийн ордны гурван давхарын зүүн талд шүүгч, прокурорууд ирж, хэнд хэдэн жилийн ял өгөх даалгавар авдаг гэж Хуульзүй, дотоод хэргийн сайд Х.Нямбаатар УИХ-ын чуулганы хуралдааны үеэр хэлж байсан удаатай. Өөрөөр хэлбэл Монголын хууль, шүүхийн салбарт хонгил гэгч мангас амьд байсаар байгааг нотолж байгаа юм. Үүнийг удирдан чиглүүлэгч нь Ерөнхийлөгч Х.Баттулга бөгөөд хонгилын шүүгч, прокурорууддаа даалгавар өгдөг байна.

Энэ жишгийн дагуу Нийслэлийн прокурорын орлогч Ц.Насанбат, шүүгч Б.Баасанцогт ээлжит даалгавраа аваад гарч яваад төрийн ордны 3 давхарын цайны газарт байх үедээ гэрэл зургийн дуранд өртжээ.

Нийслэлийн прокурорын орлогч Ц.Насанбат “Сү.Батболдын талаар гүтгэлэг бүхий ярилцлага” хэвлэл мэдээллийн хэрэгслээр ил ярьсан төдийгүй “Маш нууц” тамгатайгаар Баянзүрх дүүргийн шүүхэд Иргэний гомдлоос гэсэн статусаар Сү.Батболд нарт холбогдох хэргийг үүсгэсэн прокурор юм. 

Лифтэнд “оцогногч” Б.Баасанцогт нь олон улстөрчдийг гүтгэх, шүүн таслах, хорих төлөвлөгөө, схем гаргаж байсан нь илчлэгдсэн ба Ерөнхийлөгч Х.Баттулга болон түүний ойр ажилладаг албан тушаалтан нартай гүн холбоотой ажилладаг нь илэрсэн. Б.Баасанцогт прокурор Ц.Насанбаттай яагаад уулзав. Гүтгэх үүрэг даалгаврыг прокурорт өгсөн үү гэх яриа гарсан цахимд гарсан бөгөөд цаашид баримт задрах бололтой.

Дашрамд дурдахад лифтэнд оцогнодог Б.Баасанцогттой хамт архи ууж, бүсгүйчүүдтэй наргисан Сүхбаатар дүүргийн эрүүгийн хэргийн анхан шатны шүүгч З.Болдбаатар нь Ерөнхийлөгч Х.Баттулгын "төмөр замын хэргийг шүүж, улмаар энэ хэргийг хаасан шүүгч. Харин шүүгч Х.Идэр нь Ерөнхий сайд асан Н.Алтанхуягийн зөвлөх Л.Гансүх нарт холбогдох хэрэг, Ерөнхий сайд асан Ж.Эрдэнэбат нарын хэргийг даргалж байсан шүүгч юм.