Сингапурын бизнесмэнүүд болон Ерөнхийлөгч Х.Баттулга нартай холбоотой ноцтой шинэ баримтууд удахгүй задрана гэх мэдээлэл байна.   Сингапурын тэрбумтан Билли Лим, Х.Баттулга нар  нь Сингапурт бүртгэлтэй  “Женко Холдинг Пи-Ти-И” оффшор компанийн 50 хувийг Х.Баттулгын охин Намуун, үлдсэн 50 хувийг Х.Баттулгын Сингапурын хятад Билли Лим өөрийн хүү Деннис Лимээр дамжуулан эзэмшдэг тухай баримт хэвлэлээр гарсан.

Монголын уул уурхай, баялаг, лицензээр “хөлжсөн” гэгддэг Сингапурын тэрбумтан Билли Лим Пау нь  "Баянгол зочид буудал" ХК-ийн албан ёсны хувьцаа эзэмшигчдийн нэг, "Женко тур бюро" ХК-ийн ТУЗ-ийн дарга.   

Женко ХХК нь Монголд нэр төдий байдаг Сингапурт гол хөрөнгө нь оффшороор хадгалагддаг.

1990-ээд оноос хойш хоёр улсын дунд гүйсэн Женко Х.Баттулга, Билли Лим Пау нарын оффшор компани нь Сингапурын Засгийн газрын бүртгэлийн байгууллагын acra.gov.sgцахим хуудаст нийтэд тавигдсан. Тэднийг Монголын баялаг уул уурхайг зарж хөлжсөн гэх ба нэг жишээ нь л гэхэд Монголын Төгрөг нуурын ордыг зарчихсан мэдээлэл ил дэлгэгдсэн.

Төгрөг нуурын ордыг 2010 онд Х.Баттулга 250 сая ам.доллараар оффшор бүсэд бүртгэлтэй хятад эзэнтэй Мин Шин Уотервокс Лимитед Кайманы арлын оффшор бүсэд бүртгэлтэй \Ming Нing Waterworks Limitedincorporated in Cayman islands\ компанид зарсан гэх мэдээлэл Хонгконгийн хөрөнгийн биржийн веб хуудаст тавигджээ.

Х.Баттулгын хууль бусаар олсон хөрөнгө, мөнгөө Билли Лимээр мануулдаг гэх ба тус улсад Монголыг төлөөлж суух Элчин сайдаар төрсөн эгчийнхээ охины нөхөр болох Т.Лхагвадоржыг томилсон нь гадаад дахь оффшор, хууль бус хөрөнгийг нь давхар харах, зохицуулах болсон гэгддэг. 

Тун удахгүй Ерөнхийлөгч Х.Баттулга болон Сингапурын хэд хэдэн бизнесмэнүүдтэй холбоотой шинэ баримтууд  дэлгэгдэнэ гэх мэдээлэл түгэж байна.

С.НАРАН