Босоо хочит С.Ганбаатар гишүүнийг олон нийт “поп-ын хаан босоо Ганбаа” гэж нэрийдэх болсон. Тэрээр дуулиан шуугиан ихтэй хэрэг явдалд попрон улмаар өөрт ашигтай тал үүсгэж илэрхий худал мэдээлэл хийж гаршсан нэгэн. Оюу толгойгоос өөр ярих сэдэвгүйдээ тулсан тэрээр Х.Баттулгын  даалгавраар дараагийн гүтгэлэгт ажилдаа оржээ.

Төрийн ордонд өнөөдөр  /2021.3.15/ С.Ганбаатар гишүүн УИХ-ын гишүүн Сү.Батболдтой холбоотойгоор гүтгэлэг бүхий мэдээллийг хийв.

УИХ-ын гишүүн Сү.Батболдыг гадны шүүхээр шалгуулахаар өгсөн захиалагч нь Монголбн Ерөнхийлөгч Х.Баттулга гэх мэдээллийг олон улсын Блүүмбэрг сайт болон гадаад, дотоодын хэвлэлээр бичигдээд эхэлсэн.

Юутай ч Ерөнхийлөгчийн даалгавраар Ерөнхийлөгчийн Тамгын газрын дэд дарга Б.Саруул оффшор, гадны шүүхийн талаар мэдээлэл хийсэн бол одоо гишүүн С.Ганбаатарыг Х.Баттулга түлхүүрдэж мэдээлэл хийх үүргийг өгч.

Попын хаан С.Ганбаатар юуны учир Сү.Батболдтой холбоотой мэдээлэл хийв?  МАН, МАХН нэгдэх сургаар МАХН-ын дарга Н.Энхбаяр мэдэгдэхдээ “С.Ганбаатарыг нэр дэвшүүлэхгүй” гэдгийг зарлаж, түүнийг дур мэдэн мэдээлэл хийж байгаа талаар мэдэгдсэн.

МАН, МАХН-тай нэгдэх асуудал яригдаж эхэлснээр С.Ганбаатарын Ерөнхийлөгч болох “сансарын мөрөөдөл нь” сарнисан. Хэвлэлд өгсөн ярилцлагадаа “МАН, МАХН” нэгдсэн ч би нэр дэвшинэ” хэмээсэн. Энэ нь тэрээр хэрхэн, яаж, хаанаас нэр дэвших вэ гэх асуултад хүргэж байгаа ба хариулт нь Ерөнхийлөгчийн зүгээс нэр дэвших галын дэмжлэг түүнд үзүүлэх үү гэх яриа дуулдаж байна.   

Ерөнхийлөгчийн сонгууль дөхсөн энэ үед Х.Баттулгын зорилго бол Сү.Батболдыг гадны шүүхээр шалгуулах хар технологиор явуулан хэвлэлээр “балбах”, МАН-ыг нэр хүндийг харлуулах зорилго тээж яваа. Гэтэл гадны шүүхээр явуулж буй гүтгэлгийн үнэн эхнээсээ тодорч Нью-Йоркийн шүүх хэргийг хэрэгсэхгүй болгочихсон.

Мөн Монголын улстөрчид болох Ж.Эрдэнэбат, Н.Номтойбаяр, Сү.Батболд, Ц.Элбэгдорж нарын улстөрчид дээр хууль зөрчин  гүйцэтгэх ажиллагаа явуулсан гадны К-2 мөрдөх товчоог шалгуулах хүсэлтийг Монголын талаас гарган тавьж, захиалагчыг нь ил болгохыг шаардсан албан захидал илгээгээд байгаа билээ.

К-2 мөрдөх товчооны ард Монголын Ерөнхийлөгч байгаа гэх мэдээлэл түрүүчээсээ гадны хэвлэлээр цацагдсан ба К-2 нь захиалагчаа зарлахаас аргагүй байдалд орж болзошгүй болоод байгаа аж.

Захиалагч тал илрэх магадлалтай болоод ирэнгүүт Х.Баттулга ихэд сандран яваа гэх. Тиймээс ширэн нүүртэй, попын хаан, нутгийн хүү С.Ганбаатарыг түлхүүрдэн дуугаргаж эхэлжээ.

Х.БАТХҮҮ