Улсын ерөнхий прокурорын орлогч, төрийн хууль цаазын шадар зөвлөх М.Чинбатын хуулин нэг ангийнхан хонгилддог уу гэх мэдээлэл хэвлэл мэдээллийн хэрэгслээр цацагдсан.

МУИС-ийн Хууль эрх зүйн сургуулийг 1995 онд төгссөн нэг ангийнхны дийлэнх нь хуулийн салбарт салаа мөчирлөн ажиллаж байна. Амжилттай ч яваа бололтой.

Тус ангийнхны хэсэг нөхөд нэгэн хэрэг дээр хамтран ажилласан уу үгүй юу? Бусдын үл хөдлөх хөрөнгийг хуурамч гарын үсэг, гэрчилгээ шинээр гаргуулан нэр дээрээ шилжүүлэн авсан гэх хэрэгт МУИС-ийн багш Д.Янжинхорлоо холбогдон шалгагджээ. Түүний хэрэгт нэг ангийнхан хэрхэн сүлжилдэв.

- Д.Янжинхорлоо МУИС-ийн Хувийн эрх зүйн тэнхимийн багш, доктор. Монголын олон мянган хуульчдыг бэлтгэж буй багш, докторын цол зэрэгтэй хүн.

     / Д.Янжинхорлоо нь хуурамч гарын үсэг бүхий бичиг баримт үйлдэн бусдын эд хөрөнгийг завшсан гэх хэргээр шалгагдсан /

- М.Чинбат Улсын ерөнхий прокурорын орлогчоор ажилладаг. Д.Янжинхорлоогийн нэг анги.

/ Д.Янжинхорлоогийн хэрэг дээр оролцон УЕП-ын нэрийн өмнөөс 02.09-ний өдрийн № 1/368 тоот  үйлдэж “Д.Янжинхорлоогийн үйлдэл эд хөрөнгйн өмчлөлд шинээр өмчлөгч нэмэх ба хасах Эрүүгийн хуульд заасан залилах гэмт хэргийн шинжгүй гэж дүгнэн, прокуророос хэргийг хааж шийдвэрлэсэн нь хууль зүйн үндэслэлтэй байгаа тул гомдлыг хүлээн авахаас татгалзсан шийдвэрийг гаргаж байна” гэх дүгнэлтийг  гаргасан прокурор /

- Д.Энхтөр Улсын ерөнхий прокурорын газрын Ял эдлүүлэх ажиллагаанд хяналт тавих хэлтсийн даргаар ажиллаж байна.

Д.Янжинхорлоогийн нэг анги.

Тэрээр  Сүхбаатар дүүргийн ерөнхий прокуророор ажиллаж байсан ба Нийслэлийн ерөнхий прокурорын даргын албан тушаалд яригдаж байсан нэгэн.

   / Д.Янжинхорлоогийн хэрэг дээр Сүхбаатар дүүргийн ерөнхий прокурорын хувьд шийдвэр гаргалтыг хянах бүхий албан тушаал хашиж  байв /

- Ц.Батболд Баянзүрх дүүргийн ерөнхий прокуророор ажилладаг. Д.Янжинхорлоогийн нэг анги.

Прокурор С.Батболдыг иргэн Ц.Буяндорж, дуучин Т.Ариунаа нарын хэрэг дээр авлига нэхэж, хууль бус асуудал гаргасан гэх прокурорын нэг. 

/Ц.Батболд нь Д.Янжинхорлоотойгоо цуг ажиллаж, МУИС-д “Эрүүгийн хууль, тогтоомжийн хэрэглээ”, “Прокурорын хяналт” зэрэг хичээлүүдийг зааж, гэрээт багшаар ажилладаг/

- 325 тоот Б.Батсүрэн нотариачтаар ажилладаг.

Д.Янжинхорлоогийн нэг анги.

МУИС-ийн Хууль зүйн сургуулийг хуульч, эрхзүйчээр 1995 онд 30 суралцагч төгссөн. Тус ангиас хуульч, өмгөөлөгч, шүүгч, прокурор, багш гэх мэт хууль эрх зүйн салбарт ажиллагсад олон бий. Төгсөгчдийн нэг болох хуульч, багш Д.Янжинхорлоо нь бусдын өмч хөрөнгийг хуурамч гарын үсэг өмчлөлийг нь авсан байж болзошгүй гэх, мөн үл хөдлөх хөрөнгийн шинээр гэрчилгээ үйлдэж залилсан байж болзошгүй гэх үндэслэлээр хуулийн байгууллагаар шалгагдсан.

Түүний хэрэгт, хуулийн процесст ангийн найз нөхдийн зарим нь ил оролцон шийдвэр гаргасан байх баримт эхнээсээ хэвлэл мэдээллийн хэрэгслээр цацагдсан.

Б.ГЭНДЭН