ХҮН намаас НИТХ-ын хурлын сонгуульд нэр дэвшиж явсан “Бид уучлахгүй” хөдөлгөөний тэргүүн Б.Мөнхцэлмэг АТГ-ын гадаа оффшорын сэдвээр байн байн улстөржих болов. Тэрээр Ерөнхийлөгч Х.Баттулга, УИХ-ын гишүүн Б.Дэлгэрсайхан нарын нэр бүхий хүмүүсийг оффшортой хэмээн зарлаж, АТГ-т хандан нэр бүхий 18 хүнийг шалгуулахаар болсон хэмээн ярих болсон. Гэтэл оффшортой холбоотой нэр бүхий 18 хүний тоонд  ХҮН намын дарга Т.Доржхандын эхнэр У.Сийлэнгийн төрсөн эгч У.Туул байгаа бөгөөд  одоо У.Туулын нэр дээрх оффшорын асуудал гадны шүүхээр ид шалгагдаж байгаа гэх мэдээлэл бий.

ХҮН намын гишүүн Б.Мөнхцэлмэг нь АТГ-ын гадаа улстөржиж гүйж очоод байгаа нь Ерөнхийлөгчийн сонгуульд дөхсөн үед намынхаа нэрийг оффшортой хутгах, намынхаа дарга Т.Доржхандын гэр бүлийн оффшорыг дэлгэх санаа зорилго цаанаа тээсэн гэх бор шувуу нисч байна. Б.Мөнхцэлмэгийн ярьж буйгаар оффшорын асуудлаар шалгагдаж байгаагийн нэг нь Т.Доржхандын эхнэр У.Сийлэнгийн төрсөн эгч У.Туул байгаа бөгөөд оффшороор улстөржих тусам нэр цэвэр гэгдэж байсан ХҮН нам оффшортой нэрээ хутгаж, сонгуулийн өмнө ороогдохоор болоод байгаа бололтой. Удахгүй У.Туулын оффшорын баримт дэлгэгдэхээр болж байгаа гэх мэдээлэл бий. Ийнхүү намынхаа эсрэг ажиллаж буй Т.Мөнхцэлмэгийн улстөржилтийн ард хэн захиалга өгөв гэх асуулт гарч байна.

Х.БОЛД