Ерөнхийлөгч Х.Баттулга Монголын тэргүүн баян болтлоо хөрөнгөжсэн нэгэн. Тэрээр өнөөдрийг хүртэл цэвэр бизнес эрхэлсэн үү гэдэг нь эргэлзээ дагуулдаг. 17 чингэлэг спирт, төмөр зам, аж үйлдвэрийн паркын хөрөнгийг завшсан гэх мэтээр улс төрийн хүрээний бүхий л томоохон хэргүүдтэй нэр холбогддог нь нууц биш. Эцэст нь тэр Ерөнхийлөгч болж чадсан ч хууль шүүхийн байгууллагыхны хараанд буюу албан ёсоор “сэжигтэн” хэвээр байгаа.

Х.Баттулгын нэр холбогдож байсан хэргүүдээс дуулиангүй өнгөрсөн нь ховор. Тэгвэл өнөөгийн бидний мартаад байгаа нэг хэрэг бол “Номаринг”-ийн гэх тодотголтой Солонгосчуудыг залилсан хэрэг юм.

Тодруулбал... 2000-д оны үед БНСУ-ын “Номаринг” компанийн олон арван сая ам.долларыг Монголун банкууд нийлж бйагаад луйвардсан гэх хэрэг хэвлэлүүдээр гарч байв. Тухайн үедээ Голомт Анод, Монгл шуудан, Тээвэр хөгжлийн банк зэрэг Ардчилсан намын гишүүдийн хяналтад байдаг дөрвөн банк нийлэн Солонгосын Дэү, Эл Жи болон Номаринг компаниудыг хошгируулж бйагаад 120 сая ам.долларыг салгажээ. Улмаар энэ мөнгөнөөс хамгийн ихийг нь одоогийн Ерөнхийлөгч Х.Баттулга авсан бөгөөд  Мах Импекс, Аранзал, Пирамид зэрэг компаниудаараа дамжуулан луйвардсан гэгддэг.

Солонгосчуудаас луйвардсан мөнгийн 50 тэрбум нь одоо Улаанбаатар банкинд хадгалагдаж байгаа гэх бөгөөд Х.Баттулга луйврын мөнгөөрөө Интер банк, Капитрон банк, Улаанбаатар банкийг өөрийн болгож авсан байдаг. Улмаар эдгээр банкуудын хувь заяа хэрхэн яаж шийдэгдсэнийг та бүхэн санаж байгаа. Өөрөөр хэлбэл луйвардаж авсан мөнгөөрөө банк худалдаж аваад дараа нь тэрхүү банкаа дампууруулж, мөнгө угаадаг байж болзошгүй юм.

“Номаринг” корпорациас түүнийг яаралтай өрөө төлөхийг шаардсаар байсан юм. Харин Х.Баттулгын “Номаринг”-тай холбоотой гэх дуулиан хэрхэн шийдэгдсэн нь одоог болтол тодорхойгүй.

Эх сурвалж: https://www.facebook.com/296232783889488/photos/298275790351854