Ерөнхийлөгч Х.Баттулга бусдад хэрэг үүсгэдэг, хаадаг хуулийн хавхтай болжээ. АН-ын дарга С.Эрдэнэ “Ерөнхийлөгч Х.Баттулгын шадар туслах Түвшинжаргал гэдэг бүсгүй нийслэлийн прокурор Ц.Насанбатын гарын үсэгтэй надад үүсгэсэн эрүүгийн хоёр хэргийг хэрэгсэхгүй болгосон тогтоолыг надад ирүүлсэн. Яахаараа Нийслэлийн прокурорын тогтоолыг МУ-ын Ерөнхийлөгчийн шадар туслах надад өгдөг юм бэ. Түүгээрээ надад юу ойлгуулах гээд байгаа юм. Хэргийг чинь хэрэгсэхгүй болголоо шүү, одоо чи аятайхан байгаарай гэж надад ойлгуулах гээд байгаа юм уу” гэж хэвлэлийн бага хурлын үеэр ярьсан.

Нийслэлийн прокурорын орлогч Ц.Насанбатын гарын үсэгтэй хэргийг хаах тухай шийдвэрийг Ерөнхийлөгчийн туслах Түвшинжаргал хүргэсэн нь ноцтой үйлдэл болж байна.

С.Эрдэнийг жил гаруйн хугацаанд үр хүүхэд, хөгшин настай ээжийг нь хүртэл АТГ, хууль, прокурорын гадаа байцааж сэтгэл зүйн хувьд тамлачихаад хуулийн байгууллага яахаараа ч Х.Баттулгын дохио зангаагаар хэргийг нь хэрэгсэхгүй болгочихдог юм.

Ерөнхийлөгч Х.Баттулгын хууль шүүхийн байгууллагыг  ашиглаж С.Эрдэнэтэй наймаалцах гэснийг нь С.Эрдэнэ хүлээж авахгүй гэхээр нь гуравхан хоногийн өмнө Ц.Насанбатын хэрэгсэхгүй болгосон тогтоолыг Нийслэлийн ерөнхий прокурор Ш.Нямдорж нь буцаагаад сэргээсэн тогтоолыг үйлджээ. Монголд хууль гэж байна уу? Шударга ёс байна уу? Ц.Насанбат прокурор олон ч хууль бус асуудад нэр нь хутгалдсан яваа. УИХ-ын гишүүн Сү.Батболд нарын нэр бүхий хүмүүсийг гүтгэж, Засгийн газар, төрийн байгууллагуудын нэрийг барьж гадаад, дотоодын шүүхээр явуулж буй прокурор бол өнөө Ц.Насанбат.  Прокурор Ц.Насанбат нь хууль шүүхийн байгууллагуудад авлига өгсөн хэргээр шалгагдаж буй өмгөөлөгч Б.Баасанцогттой уулзаж буй бичлэг, мэдээлэл цацагдсан.  Сү.Батболдыг Х.Баттулга захиалга өгч гүтгүүлж байгаа нь тодорхой байгаа бөгөөд нутгийн дүү С.Ганбаатарыг Сү.Батболдын эсрэг нумлачихсан өнөөх нь амандаа юу орсноо бурж явна.

О.ӨРНӨХ