EXO хамтлагийн гишүүн Чан Ёлын гол дүрд нь тоглосон “The Box” кино нь нээлтээ хийсэн өдрөө үзэгчийн тоогоор “Minari" киног давж box-office чартад нэгдүгээрт жагсаж эхэлжээ.

Тус кино нь залуухан хүсэл эрмэлзэл, мөрөөдөлдөө хөтлөгдсөн дуучин болон чадварлаг продюсер хоёрын тухай өгүүлдэг бөгөөд урлаг гэдэг ертөнцөд хэчнээн шалгуур өндөртэйг харуулж өгчээ. 

Мөн кино багийнхан "Хүн мөрөөдлийнхөө төлөө хэрхэн тууштай явах болон амьдралд тохиолдох алдаа оноо бүр хожим сургамж болдог" гэдгийг үзэгчдэд тэр дундаа  ухааруулахыг хүссэн хэмээн мэдэгдсэн байна. 

Сонирхуулахад, Киноны гол дүрд тоглосон Чан Ёл БНСУ-ын цэргийн хуулийн дагуу маргааш цэрэгт явах бөгөөд явахаасаа өмнө фэнүүддээ бэлэг барьж байгаадаа баяртай байгаагаа илэрхийлжээ. 

Харин чартын нэгдүгээр байриа алдсан “Minari" киноны хувьд нээлтээ хийсэн даруйдаа мөн л олны таашаалд ихээр нийцсэн кино бөгөөд ирэх сард болох  "Academy Awards" кино наадамд нийт 6 төрөлд нэр дэвших  магадлалтай шилдэг кинонуудын нэгд зүй ёсоор бичигдэж байгаа юм. өн кино