Гадны хэд хэдэн улсын шүүхэд Монголын иргэнээ шалгуулах асуудлыг прокурор Ц.Насанбат тавиад байгаа. Хамгийн гол нь Нью-Йоркийн шүүхэд нэхэмжлэл үүсгэхдээ олон улсын “Кинг энд Спалдинг” хуулийн фирмийг хөлсөлсөн бөгөөд энэхүү байгууллагыг хөлслөхөд маш их хэмжээний мөнгө зарцуулагдсан тухай мэдээлэл бий.

Тэгвэл энэ талаар УИХ-ын гишүүн асан, өмгөөлөгч О.Баасанхүү: Маргаанд орж байгаа өмгөөлөл бол гэрээний үнийг дүнгээр эсвэл цагаар авдаг. Цагаар авч байга тохиолдолд нэг цаг нь 1000 ам.доллараас дээшээ яригддаг. Материалыг авсан, уншсан, судалсан, шүүх хуралд очиж ярьсан, өмгөөлсөн болгоноо цаг болгоод тухайн цагаараа нэмэмжлэл бичээд өгчихдөг.  Дунджаар тооцоолж үзвэл “Кинг энд Спалдинг”   хуулийн фирмид 61 см зузаантай 6000 гаруй хуудас материал өгөөд түүнийг нь тухайн фирмийн ажилчид уншаад, судлаад, шүүхэд нэмэхжлэл гаргах өртөг хөлс нь 2-3 сая ам.доллар буюу 10 гаруй тэрбум төгрөг болох тооцоо гарч байгаа юм.

Монгол улсын Үндсэн хуульд прокурорын эрх  үүргийг тодорхой заасан байдаг. Тэр эрх үүргийг харах юм бол хэрэг бүртгэл мөрдөн байцаалтад хяналт тавих, ял эдэлж буй үйл ажиллагаанд хяналт тавих шүүх хуралд төрийн нэрийн өмнөөс оролцох гэсэн ойлголт байгаа. Шүүх хуралд оролцох эрхийг нь тодорхой заасан. Хэрэв иргэний хэрэгт орохоор болвол 2022 оны долоодугаар сарын 1-ээс хойш орж болно. Тэр болтол энэ эрхийг Иргэний хэргийг шүүхэд хянан шийдвэрлэх тухай хуулийн 31-р зүйлээр үйлчлэл нь байхгүй. гэв.

Өөрөөр хэлбэл прокурор Ц.Насанбат иргэний хэрэгт оролцох эрхгүй гэсэн үг. Гэтэл оролцох эрхгүй хэрэгтэй яагаад оролцох болов. Мөн “Кинг энд Спалдинг”  хуулийн фирмийг хөлсөлсөн 10 тэрбум төгрөг хаанаас гарсан бэ?

Энэ мөнгө улсын төсвийн мөнгө татвар төлөгчдийн хармаанаас гарсан уу? гэдэг нь анхаарал татаж байна.

М.ЭРМҮҮН