Ерөнхийлөгч Х.Баттулга өнгөрсөн шинэ жилийн мэндчилгээгээрээ дамжуулан ахмад настнуудын тэтгэврийн зээлийг тэглэх шийдвэрийг ҮАБЗ-өөс гаргаж байгааг зарласан. Тэтгэврийн насны 230 мянган ахмадууд тэтгэврийн зээлээ төлүүлсөн Тэтгэвэр авагчдын дийлэнх нь ХААН банкаар тэтгэврээ авдаг. Өнгөн дээрээ ахмадуудын зээлийг төлсөн нь сайшаалтай мэт харагдавч тус банкны чанаргүй зээлийг улсын төсөв, татвар төлөгчдийн мөнгөөр төлж зузаатгал хийхэд зориулсан гэх. Тэтгэврийн зээл төлөхтэй зэрэгцэн ХААН банкны 54.4 хувийг худалдах тухай  асуудал гэнэт яригдсан. Ерөнхийлөгч Х.Баттулгыг ХААН банкны энэ хэлэлцээрт  оролцож эхэлсэн гэх албан бус мэдээллүүд тухайн үед гарсан.  Үүнээс үзэхэд Ерөнхийлөгч Х.Баттулга татвар төлөгчдийн мөнгөөр ХААН банкны хувьцаа эзэмшигч болсон байж болзошгүй гэх хардлага дуулдах болсон. Энэ нь Ерөнхийлөгч тэтгэврийн зээлийг тэглэх “зориг” гаргасан ард түмний баатар болж үлдэхээс гадна томоохон банкны хувьцаа эзэмшигч болох боломж бүрдэж байна хэмээн тухайн үе хэвлэл мэдээллийн хэрэгслээр мэдээлэл гарч байлаа. 

Х.Баттулга Ерөнхийлөгчөөр сонгогдсон 4 жилийн хугацаандаа улс орныхоо төлөө юу хийв. Хувийн эрх ашиг, бизнест гар хөл дүрсэн тухай мэдээлэл л олонтаа дуулддаг. Монгол Улсын Ерөнхийлөгчийн статус нь угтаа улс орны эрх ашиг, эв нэгдэл, хоёр хөршийн бодлого, гадаад харилцааны талбарт Монголын нэр хүндийг өргөсөн өргөн цар хүрээгээр үнэлэгдэх хариуцлагатай алба. Гэтэл Ерөнхийлөгч маань төмөр замын тендерийн талаарх мэдээллийг улсын нууцад хамааруулан "Голомт"-ын Д.Баясгаланд тендергүйгээр төмөр зам барих эрхийг өгчихсөн. Тэгээд өнөөх хүнээ Ерөнхийлөгчийн зарлигаар гавьяат эдийн засагч цол хэргэмээр шагнасан шигээ сууж байгаа юм. Өмнөх зарим Ерөнхийлөгч нар шиг гадаад харилцаан ахиц гаргасан, “Шилэн дансны” хууль гэх мэт иргэд олон нийтийн эрх ашигт нийцэх хууль ч олигтой батлуулснгүй дөрвөн жилийн нүүрийг үзэж байна. Ерөнхийлөгчийг УИХ-аас өргөн барьсан хуульд хориг тавихаас цааш хэтэрдэггүй гэх үнэлэмжтэйгээр бүрэн эрхийн хугацаагаа дуусгах нь.

Х.АНАР