Эрүүл мэндийн яамнаас коронавирусний тархалтын талаарх ээлжит мэдээллээ хийлээ. Мэдээллийг ЭМЯ-ны хэвлэлийн ажилтан Б.Ууганбаяр танилцуулсан юм.

Тэрээр "Сүүлийн 24 цагт коронавирусийн халдвар илрүүлэх 11,116 шинжилгээ хийхэд 554 хүнээс халдвар илэрлээ. Ингэснээр дотоодод бүртгэгдсэн халдварын тоо улсын хэмжээнд 12,780 болж байна. Нийт батлагдсан тохиолдлын 451 нь нийслэл хотод бүртгэгдсэн бол 102 нь орон нутагт болон гадаадаас нэг тохиолдол бүртгэгдлээ. 

Одоогоор орон нутгаас Төв аймагт хамгийн олон тохиолдол бүртгэгдэж байгаа бөгөөд Улаанбаатар хоттой ойр гэдэг утгаараа тус аймагт хамгийн олон тохиолдол бүртгэгдэж байна. Сүүлийн 24 цагт 372 хүн эдгэрч, эмнэлгээс гарч эдгэрсэн хүний тоо 8,140 боллоо. 

Одоогоор халдварын улмаас 2,637 хүн эмнэлэгт хэвтэн эмчлүүлж байгаа бөгөөд тэдгээрийн биеийн байдлыг танилцуулбал, 2,176 хүний биеийн байдал хөнгөн, 373 хүний биеийн байдал хүндэвтэр, 74 хүний биеийн байдал хүнд байгаа бол 14 хүний биеийн байдал маш хүн байна.

Түүнчлэн дээрх тоо нь зөвхөн эмнэлэгт хэвтэн эмчлүүлж байгаа бөгөөд үүнээс гадна 2,000 гаруй иргэн хөнгөн хэлбэрээр өвчилж, гэрээр эмчлүүлж байгаа гэдгийг хэлмээр байна.

Мөн харамсалтай нэг мэдээ байгаа нь өнгөрсөн хоногт халдварын улмаас нэг нас баралт бүртгэгдлээ. Ингэснээр нийт нас баралтын тоо 18 боллоо. Маш хүнд байгаа хүний тоо нэмэгдэхийн хэрээр нас баралт нэмэгдэж байгаа" гэлээ.