Орос улс дэлхийд хамгийн ойр тойрог зам дахь хиймэл дагуул устгах зэвсэг туршлаа гэж АНУ-ын Тагнуулын байгууллагынхан үзэж үүнийгээ оросын “Космос-2542”, “Космос-2543” пуужинг нэрлэж байна. Хиймэл дагуул устгах ийм пуужинг Орос туршлаа гэж АНУ-ын Агаарын цэргийн сансрын хүчний командлал өөрийн сайтдаа бичжээ. Мэдэгдэлд дурдсанаар бол оросын энэ зэвсэг нь 160-2000 км-ийн нам өндөрт яваа хиймэл дагуулыг устгах чадвартай гэсэн байна. Оросын “Космос-2542”, “Космос-2543” хиймэл дагуулын тойрог зам нь америкийн USA-245 хиймэл дагуулд хэт ойрхон байна гэсэн байна.
“Оросын DA-ASAT пуужин туршсан нь АНУ болон холбоотны сансрын системд бодитой аюул учруулах бас нэг жишээ” гэж АНУ-ын агаарын цэргийн Сансрын командлалын тэргүүн Жон Реймонд мэдэгдсэн байна. Тэрээр “Оросын энэ туршилт нь сансар дахь АНУ-ын боломжийг хязгаарлахын тулд Москвагийн хийж байгаа алхмын нэг хэлбэр” гэж Реймонд хэлээд “Сансар бол манай амьдрал, бүхий л ард түмний маш чухал ач холбогдолтой салбар. COVID-19 халдварын тархалт, хямрал нүүрлэж байгаа энэ үед тээвэр, холбоо, тээвэр зуучлалын салбарт чухал ач холбогдолтой” гэжээ.
Тэр бас энэ туршилт нь “Оросуудын тайлбарлаж байгаагаар бол сансар дахь АНУ-ын боломжийг хязгаарлахын тулд авч байгаа арга хэмжээ гэж байна” гэж тэр онцолсон байна. Харин Москва болохоор Реймондыг хэлснийг манай хөтөлбөр бол сансрын зэвсэг биш гэж тайлбарлажээ.