Америкт коронавирусийн халдварын улмаас 60-65 мянган хүн нас барж магадгүй байна гэж АНУ-ын Ерөнхийлөгч Дональд Трамп Цагаан ордонд хийлгэсэн хэвлэлийн хурлын үеэр мэдэгджээ. Хэрэв ард иргэд засаг захиргаанаас тогтоосон хорио цээрийн дэглэмийг мөрдөх юм бол коронавирусийн улмаас нас барагсадын тоо 240 мянга орчим хүрч магадгүй гэж үүний өмнө Цагаан ордны мэргэжилтнүүд үнэлж байсан юм. Харин Ерөнхийлөгч Дональд Трамп сая энэ тоо харьцангуй бага, өмнө хэлснээс 100 мянга орчмоор цөөн байх нь гэжээ. Энэ нь коронавирусийн халдварын тархалтын эсрэг тус улсад авч байгаа арга хэмжээг зөөлрүүлэхийн эхлэл байж магадгүй байна.
Америкийн Жонс Хопинксийн их сургуулийн мэдээлж байгаагаар АНУ-д коронавирусийн халдвараар өвчилсөн 699 мянан хүн бүртгэгдсэн бол 36.7 мянган хүн нас бараад байгаа юм. АНУ-ын Ерөнхийлөгч Дональд Трамп энэ сарын 7-нд Дэлхийн эрүүл мэндийн байгууллага нь коронавирусийн дэгдэлтийн эсрэг тун бага арга хэмжээ авч байна хэмээн шүүмжилж энэ байгууллагад жил бүр төлдөг татвараа төлөхгүй гэж мэдэгдсэн. ДЭМБ-д АНУ жил бүр 400-500 сая долларын татвар төлдөг юм байна.