Маргааш Үндсэн хуулийн цэцэд дунд суудлын хуралдаан болно. Энэ удаагийн хуралдаанаар Үндсэн хуулийн нэмэлт, өөрчлөлтөд Ерөнхийлөгчтэй холбоотойгоор оруулсан заалтыг Ерөнхийлөгчийн сонгуулийн хуульд давхар оруулах шаардлагатай гэж үзсэн иргэн Т.Доржханд нарын мэдээллийг хэлэлцэх юм.

Үүнтэй холбогдуулан өнөөдөр Үндсэн хуулийн гадна Зайсан орчимд иргэд жагсаал зохион байгууллаа. Цар тахлын хатуу хөл хорио, өдөрт халдвараар өвчлөх иргэдийн тоо мянга мянгаар хэмжигдэж, амь насаа алдагсдын тоо өдөр өдрөөр нэмэгдэж байгаа энэ цаг үед Үндсэн хуулийн Цэцэд шахалт үзүүлэх гэж энэхүү жагсаал зохион байгууллаа гэв.

Тухайлбал твиттер хуудаснаа... “ҮХЦ-ийн дунд суудлын хуралдаанд нөлөөлөх зорилгоор АН-ын дотоод урвагчид болох П.Нүрзэд, Д.Пүрэвдаваа, МоАХ-ын С.Эрдэнэцогт нар АН-ын гишүүдийг жагсаал цуглаанд турхирч эхэллээ. Улмаар цагдаа нар хамгаалалтыг чангатгаж байна. гэжээ.

Үүнтэй зэрэгцээд зарим хэвлэл мэдээллийн хэрэгслүүд Үндсэн хуулийн Цэцэд хөндлөнгөөс нөлөөлөх өнөөдрийн турхиралтыг МоАХ зохион байгуулж байна гэж мэдээллээ. МоАХ нь Ерөнхийлөгч Х.Баттулгын ТББ юм. Хэрэв Үнэхээр МоАХ-ны хүмүүс энэхүү жагсаалыг зохион байгуулж, Ерөнхийлөгч Х.Баттулга заавар өгсөн бол нотлох баримтайгаар Х.Баттулга Үндсэн хуулийг зөрчиж, түүнд импичмент хийх ёстой гэсэн байрыг олон нийт илэрхийлж байна.  

Улсын бүртгэлийн лавлагаагаар МоАХ-ны эзэн нь Х.Баттулга гэдэг нь нотлогдож байгаа.

Цар тахлын онцгой энэ үед жагсаал цуглаан, олон нийтийг хамарсан арга хэмжээг хориглосон байхад улс төрийн зорилгоор цэцийн гадаа хэсэг иргэд ийнхүү жагслаа.