Иргэн Б.Сүндэръяа УИХ-ын гишүүн Ц.Анандбазарын хүчирхийлэл, халдлагад өртөж бие мах бодь, сэтгэл санааны дарамтад амьдарч буй талаараа олон нийтэд мэдэгдсэн билээ. Үүнээс улбаалан дуучин Нара буюу М.Нарантуяа #MeTooMongolia хөдөлгөөнийг орон даяар өрнүүлж эхэлсэн. Улмаар УИХ-ын гишүүн Ц.Анандбазарын дарамт, хүчирхийлэлд өртөж байсан охидыг зоригтой байхыг уриалж, бусармаг үйлдлийг нь илчилсэн захидлыг цуглуулах ажлыг эхлүүлээд байгаа юм.
Үүний хүрээнд маш олон охид, бүсгүйчүүд өөрт тохиолдсон зүйлээ нэрээ нууцлан явуулж эхэлсэн байна. Тэдгээр захидлуудаас нэгийг нь та бүхэнд хүргэе.