Монголын хамгийн олон үзэгч, уншигчтай Zarig.mn сайтын Н.Өнөрцэцэг эрэн сурвалжлах сэтгүүл зүйг шинэ хүргэхэд хувь нэмрээ оруулж буй. Одоогоос хоёр жилийн өмнө буюу 2019 онд сэтгүүлч Н.Өнөрцэцэг УИХ-ын гишүүн асан Ц.Гарамжав 10 тэрбум төгрөгийн зээлээ Монголбанкны Эрсдэлийн сангаар төлүүлсэн талаар мэдээлж байсан.  

Түүний гаргасан уг мэдээлэлтэй холбогдуулан УИХ-ын гишүүн асан Ц.Гарамжав нэр төрд халдсан хэмээн шүүхэд хандсан боловч хэрэгсэхгүй болж хаагдсан байдаг. Энэ талаар сэтгүүлч Н.Өнөрцэцэг өөрийн цахим хурдастаа “Хоёр ч шатны шүүх дээр ялалт байгуулав. Шүүхийн процесс дуусахаар хэн гэдгийг нь бахархалтайгаар зарлана аа” хэмээн бичиж байсан юм.

Гэтэл УИХ-ын гишүүн асан Ц.Гарамжав телевизэд өгсөн  ярилцлагадаа сэтгүүлч Н.Өнөрцэцэгийг өөрийг нь шантаажилсан мэтээр тайлбарласан. Үүний хариуд сэтгүүлч Н.Өнөрцэцэг өөрийн цахим хуудсаар дамжуулан тус асуудалтай холбоотой хэд хэдэн баримтыг үзүүлсэн юм. Мөн энэ асуудалтай холбоотой шинэ үеийн сайн сэтгүүлч Лодойсамуу, Н.Өнөрцэцэг нар сошиалд маргаан үүсгээд байгаа. Ч.Лодойсамбуу шантаажны сэтгүүл зүйг халахыг уриалж байгаа нь зүйтэй юм. Гэвч ““Улаан бал” нэвтрүүлэгтээ Н.Өнөрцэцэгийг байр сууриа илэрхийлэх боломжийг олгохгүй байгаа нь анхаарал татаж байгаа юм.  Сэтгүүлч баримттай болоод зоригтой бол, тэр баримт нь хэн нэгэн эрхтэн дархтан, бизнес эрхлэгч хэн ч байсан буруутайг нотлохоор бол  юунаас нь айхав. Хоёр талд байр сууриа илэрхийлэх боломж гаргах нь сэтгүүл зүйн зарчимд багтана. “Ц.Гарамжав гишүүн өөрийнхөө тайлбарыг хэлсэн бол Н.Өнөрцэцэгт үгээ хэлэх  боломж олговол шударга ёсонд нийцнэ.