Эрүүл мэндийн яамнаас коронавируст халдварын тархалтын талаарх мэдээллийг танилцууллаа. Мэдээллийг ЭМЯ-ны хэвлэл мэдээллийн ажилтан Б.Ууганбаяр танилцуулсан юм. 

Тэрээр "Сүүлийн 24 цагийн хугацаанд 10.109 хүний сорьцод шинжилгээ хийхэд 1.264 хүнээс коронавирусийн халдвар илэрлээ. Ингэснээр улсын хэмжээнд бүртгэгдсэн нийт тохиолдол  27.956 болж байна. 

Одоогоор халдварын улмаас 4.127 хүн эмнэлэгт хэвтэн эмчлүүлж байгаагаас хөнгөн 2.338, хүндэвтэр 1.374, хүнд 351 хүн байгаа бол маш хүнд 64 хүн байна. Мөн хөнгөн хэлбэрээр өвчлөн гэртээ тусгаарлагдаж байгаа 6,763 иргэнд өрхийн эрүүл мэндийн төвөөс хяналт тавьж байна. Нийтдээ 2,700 хүнийг гэрт нь үлдээх үү эсвэл эмнэлэгт хэвтүүлэх үү гэсэн тандалтыг хийж байгаа. 

Өнгөрсөн хоногт найман хүн нас барлаа. Нас барсан хүмүүсийн ар гэр, төрөл төрөгсдөд гүн эмгэнэл илэрхийлье.

Маш хүнд байгаа хүний тоо нэмэгдэхийн хэрээр нас баралт нэмэгдэж байгаа" гэлээ.

Мөн 486 хүн эдгэрч эмнэлгээс гарсан бол 8 хүн нас барсан харамсалтай мэдээлэл байна.

Өнөөдрийн байдлаар халдварын тохиолдлуудын 14,258 нь эдгэрээд байгаа бол 69 хүн уг өвчний хүндрэлээр нас бараад байна.