Ерөнхийлөгчийн хууль бус үйлдэл, гүтгэлэг хэрээс хэтэрчээ            

 Унасан хүн ууртай гэгчээр Ерөнхийлөгч Х.Баттулга хуулийг нулиман улангасан дайрах болов. Бусдыг ор үндэсгүйгээр гүтгэж, нэр хүндийг нь харлуулах болов. Ерөнхийлөгч өөрөө Үндсэн хуулийн бус аргаар төрийн эрхэнд халдахыг завдаж, МАН-ыг тараах тухай захирамж гаргав. Энэ нь төрийн эрх мэдлийг хууль бусаар авах гэсэн үйлдэл юм. Үндсэн хуулийн Цэцийн шийдвэрээр нэр дэвших боломжгүй болсон Х.Баттулга асар их шунал хүслээ гүйцэлдүүлэхийн тулд олон нийтийг бослого, тэмцэлд уриалж үзэв. Ерөнхийлөгч Х.Баттулга бусдыг гүтгэдэг бүхэл бүтэн багтай.  Тэдний талын хар пиар гүтгэлэг, зохиол арай л хэтэрч байна. Ерөнхийлөгчийн сонгуультай холбоотойгоор МАН, нэр дэвших боломжтой улстөрч нар руу өөд уруугүй дайрч, гүтгэж байна. Түүний нэгэн жишээ нь МАН-ын нэр бүхий улстөрч нарыг оффшор, Оюу толгойгоос хахууль авсан мэтээр гүтгэн, бүхэл бүтэн зохиол бичиж хэвлэл, сошиалаар явуулах болов. Илэрхий зохиол, гүтгэлэг, галзуу хүний тэмдэглэл аятай улс төрийн эзэн гэх зохиомол үлгэрт нь итгэх хүн даанч алга даа. Ийм л байдалтайгаар Ерөнхийлөгчийн сонгуулийг Женкогийнхон хүргэх нь дээ.