МАН-ын дарга У.Хүрэлсүх Ерөнхий сайд Л.Оюун-Эрдэнийг зодож, нүдийг нь хөхрүүлсэн талаарх мэдээлэл сошиалд тархав. Гэвч Ерөнхий сайд Л.Оюун-Эрдэнэ Хан-Уул дүүргийн иргэдийг вакцинжуулж байх үйл ажиллагаатай танилцах үеэрээ маскаа авч харуулснаар түүнийг зодуулсан гэх мэдээлэл няцаагдав.

Засгийн газрын хэвлэл мэдээлэл, олон нийттэй харилцах хэлтсийн дарга Ц.Ганзориг “Жил бүр явуургүй сэдвээр зодсон, зодуулсан гэж дорой, худал зүйл бичдэг хүмүүс залхах болоогүй л байгаа бололтой. Намын дарга, Ерөнхий сайд асан У. Хүрэлсүх, Ерөнхий сайд Л. Оюун-Эрдэнэ нар ажлаа хийгээд явж байгаа” гэжээ.

Товчхондоо эх баригчдын үйл ажиллагааг буруутгах, тэднийг шүүмжлэх зүйл нь олдохгүй учраас зураг дээр нь эвлүүлэг хийгээд түүнийгээ сошиалд цацаж байна. Тэд зургыг нь эвлүүлэг хийсэн ч Ерөнхий сайд вакцинжуулалтын үйл ажиллагаатай танилцана гэж тооцоолоогүй байх л даа. 

Сошиалд худал үнэн, санаатай, санамсаргүй буруу ташаа мэдээ явж байгаа. Мэдээлэл түгээж байгаа хүмүүс нь ч зориудаар буруу мэдээлэл, өдөөн хатгасан мэдээлэл тарааж байгаа нь төрийн ажлыг сааруулах зэсэн оролдлого байж болзошгүй. Хамгийн гол нь хэн, ямар зорилгоор ингэж худал мэдээ тараав!!!