“ Монгол Улсын Ерөнхийлөгчийн улс төрийн намыг тараах тухай захирамж гарсан өдрөөсөө эхэлж бүрэн хэрэгжиж биелэгдэх ёстой. Хэрвээ энэ захирамжийг биелүүлэхгүй ямар нэг байдлаар МАН ямар нэгэн асуудал үүсгэвэл энэ нь бол Монгол Улсын Ерөнхийлөгч өөрийнхөө бүрэн эрхийн хүрээнд захирамжаар буюу зарлигаараа онц байдлыг тодорхой хэсэгт буюу хэсэгчлэн тогтоох үндэслэл болж өгөх нь байна аа гэдгийг нийт иргэдэд ойлгомжтой байдлаар хэлье “

 

Ерөнхийлөгч захирамж гаргаад намыг тараачихдаггүй, түүнийг нь биелүүлэхгүй байх нь онц байдал зарлах үндэслэл биш, УИХ-ын чуулганы чөлөө цагт, хойшлуулшгүй тохиолдолд Ерөнхийлөгч онц байдал зарлах эрхтэй, тийнхүү онц байдал зарласан зарлигийг УИХ 7 хоногийн дотор хэлэлцэж батлах эсхүл хүчингүй болгодог, хэлэлцэхгүй бол шууд хүчингүй болдгийг 30-аад жил хуульч, өмгөөлөгчөөр ажилласан энэ хүн мэдэхийн дээдээр мэдэж байгаа.

 

Тийм атлаа торохгүй худлаа ярьж суух юм. Ямар ч мэргэжлийн ёс зүй алга. Мэргэжлээ мөнгөөр, албан тушаалаар наймаалцаж байна л гэж харагдахаар байна. Х.Баттулга албан тушаалаа өгнө, амьдрал тань үргэлжилнэ шүү дээ, танил ах минь!" гэжээ.