Ц.Анандбазар, Б.Пүрэвдорж нарт хариуцлага тооцох асуудлыг хуулийн байгууллага шалгасны дараагаар Байнгын хороод хэлэлцэнэ

У.Хүрэлсүх: Монгол Улс бэлчээр, нүүдлийн мал аж ахуйн салбарт дэлхийн хамтын ажиллагааны идэвхтэй төв байхыг зорьж байна АТГ-ын мөрдөгч “Secondment” хөтөлбөрийн хүрээнд БНСУ-ын Дээд Прокурорын газарт ажиллахаар болжээ Гандантэгчэнлин хийдээр аялаж явсан аялагчийн 2900 юань хулгайд алдагджээ Г.Жаргалсайхан: Нийслэлийн малчид хоршоо байгуулж, сүү, сүүн бүтээгдэхүүн үйлдвэрлэж байна Салбарт нь олон жил ужгирсан асуудлуудыг шийдэх, эрх зүйн шинэчлэл хийх боломжийг судлах үүрэг өглөө 1000 хүнийг ажлын байраар хангах төмөр замыг монголчууд өөрсдөө барьж байна “Цэмбэгэр Улаанбаатар” давалгаанд нэгдсэн залуус Сүхбаатарын талбайг угаалаа Наймдугаар сарын 17-28-ны өдрүүдэд богино эргэлтийн хоёр чиглэлд автобус үнэ төлбөргүй үйлчилнэ Улаанбаатарт бага зэргийн аадар бороо орно Газрын тосны үйлдвэрийн бүтээн байгуулалтыг дотоодын цэргүүд хамгаална Дэлхийн малчдын чуулга уулзалтын хүрээнд эмэгтэй малчдын тунхаглалыг хэлэлцэж байна ГИХГ-ын дарга Б.Энхсүх БНХАУ-ын Элчин сайдын яамны төлөөлөгчдийг хүлээн уулзав Засгийн газар аймгуудыг асуудлаа өөрсдөө шийдэх боломжийг нэмэгдүүлж, эрхзүйн саадыг арилгана Говийн бүс нутгийн баруун өмнөд хэсгээр +34 градус хүртэл хална МИАТ: Японд үүссэн хар салхины улмаас зарим нислэгийн хуваарьт өөрчлөлт орлоо

УИХ-ын гишүүн Ц.Анандбазарын бэлгийн дарамт, мөлжлөг, хүчирхийллийн шинжтэй удаа дараагийн үйлдлүүдэд хариуцлага тооцохыг УИХ-ын байнгын хороодод “Лантуун дохио” ТББ-ын тэргүүн У.Ганбаяр болон “Ялгаварлалыг хариуцлагажуулъя нэгдэл ТББ”, “Охидын түүх НҮТББ”, “Хүчирхийлэлд өртсөн хүүхэд эмэгтэйчүүдийн эрхийг хамгаалах нийгэмлэг холбоо НҮТББ”-уудын нэгдсэн “МЕ ТОО МОНГОЛ” Үндэсний хөдөлгөөн зэрэг холбогдох байгууллагаас ханджээ.

Энэ талаар Ёс зүй, сахилга хариуцлагын байнгын хорооны дарга Б.Бат-Эрдэнэ хэвлэлд өгсөн ярилцлагаас үзвэл “Ирүүлсэн албан бичигт дурдсанаар хүчиндэх гэмт хэрэг үйлдсэн эсэхийг цагдаа, прокурорын байгууллага шалгаж байгаа бол үүнийг ёс зүйн хүрээнд шийдэхгүй бөгөөд эрүүгийн гэмт хэрэг шалган шийдвэрлэдэг журмаар хуулийн байгууллагууд шийдвэрлэх учиртай. Эрүүгийн хэрэг хянан шийдвэрлэх ажиллагаанд УИХ хөндлөнгөөс нөлөөлөхийг хуулиар хориглосон байдаг” гэжээ.

УИХ-ын гишүүн Ц.Анандбазарыг түдгэлзүүлэх эсэх асуудлыг шийдвэрлэх нь УИХ-ын “Xалдашгүй байдлын дэд хороо”-ны эрхлэх асуудал. Хэрвээ Прокурорын байгууллагаас УИХ-ын гишүүний бүрэн эрхийг түдгэлзүүлэх асуудлыг УИХ-д оруулж ирвэл Халдашгүй байдлын дэд хороо, Хууль зүйн байнгын хороо, Төрийн байгуулалтын байнгын хороогоор оруулж чуулганы нэгдсэн хуралдаанаар хэлэлцэж УИХ-ын тухай хуулийн 9 дүгээр зүйлд заасны дагуу шийдвэрлэх хуулийн зохицуулалттай аж.

Тиймээс цагдаа, прокурорын байгууллагууд иргэн Сүндэръяагийн өргөдлийг хүлээн авч хэрэг бүртгэлтийн ажиллагаа явуулж байгаа энэ цаг үед УИХ дахь Ёс зүй, сахилга хариуцлагын байнгын хорооноос зэрэгцэн хянан шалгах ажиллагаа явуулах ёсгүй учраас одоогоор тус Байнгын хорооноос энэ асуудлыг авч хэлэлцээгүй байгаа юм байна. Энэ нь зааг тогтоосон хуулийн зарчмаа баримталж байгаа хэрэг юм.

Түүнчлэн УИХ-ын гишүүн Б.Пүрэвдоржийн автын осол гаргасан талаар хариуцлага тооцох асуудал яригдаж байгаа.

Дээрх хоёр гишүүний асуудлыг яг одоо хуулийн байгууллагаас шалгаж байгаа учир УИХ-ын Байнгын хороод хөндлөнгөөс оролцох, нөлөөлөх, зэрэгцэж шалгах боломжгүй байгаа гэнэ. Хэрэв хуулийн байгууллагууд шалгаад гэмт хэргийн шинжгүй гэж шийдвэрлэсэн тохиолдол гарах аваас Байнгын хороод эдгээр асуудлуудыг хуулийн дагуу хэлэлцэн шийдвэрлэх юм байна.

Б.АНХМАА

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.