Ц.Нямдоржийн эхнэрийнх нь дүүгийн хүүхэд болох ЦЕГ-ийн ХМТ-ийн ахмад М.Мөнхшүр цахим хуудсаараа дамжуулан хууль тогтоомж зөрчсөнөө зарлажээ.

Тус постыг харахад энгийн муудалцсан гэсэн утга харагдаж байгаа боловч “Хавтаст хэргийн зургийг дараад өг гэсэн нь хэн билээ” хэмээн бичсэн нь түүнийг Монгол Улсын Гэмт хэргээс урьдчилан сэргийлэх тухай хууль болон Зөрчлийн тухай хуулийг зөрчсөнийг нотолж байгаа юм.

Хууль сахиулах үүрэгтэй хүн өөрийн ийн хууль зөрчсөнөө инээж байгаа эможитэй хамт цахим орчинд байрлуулах нь зүй ёсонд нийцэх нь юу л бол.

Журмаараа бол дээрх алба хаагчид Гэмт хэргээс урьдчилан сэргийлэх тухай хууль зөрчсөн болон Зөрчлийн тухай хуулийн заалтуудаар хариуцлага тооцож арга хэмжээ авах учиртай.

“Гэмт хэрэг, зөрчлөөс урьдчилан сэргийлэх тухай хуулийн 31-р зүйлд иргэний хүлээх үүрэг байдаг юм. үүний 31.1.3.-т гэмт хэрэг, зөрчлийн талаар олж мэдсэн зүйлээ холбогдох байгууллагад мэдээлэх” гэсэн заалтыг зөрчжээ.

Мөн Зөрчлийн тухай хуулийн 5.9 дүгээр зүйл.Гэмт хэрэг, зөрчлөөс урьдчилан сэргийлэх тухай хууль зөрчих /Энэ зүйлийг 2019 оны 06 дугаар сарын 06-ны өдрийн хуулиар өөрчлөн найруулсан./ 1.Гэмт хэрэг, зөрчлөөс урьдчилан сэргийлэх тухай хуульд заасан үүргээ биелүүлээгүй бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно хэмээн заасан байдаг.