Хуулийн дагуу УИХ-д суудалтай нам, эвсэл нэг л нэр дэвшигчийн материалыг СЕХ-нд өгөх учиртай. Гэтэл  М.Тулгатын албан, УИХ-ын гишүүн  О.Цогтгэрэлийн  албан бус гэж хуваагдсан АН хоёр нэр дэвшигчийн материал хүргүүлсэн.  

СЕХ  улс төрийн асуудлаа дотооддоо шийдээд, нэг нэр дэвшигчийн материалыг өгч хуульд нийцүүлж ажиллахыг хүссэнд О.Цогтгэрэл даргатай  Н.Алтанхуяг нарын гишүүд бухимдаж, өлсгөлөн зарлана, цаашлаад зарим нэг хүнийг ''дүүжлэх'' тухай хэлсэн үг нь  олон хүний дургүйцлийг хүргэж байна.

Энэ талаар Төрийн Соёрхолт Д.Сосорбарам “Н.Алтанхуягаа чамд АН-ын гэх юу ч үлдээгүй. Намаа самарч, самарч гараад Эрдэнэтээс бие дааж УИХ-д азаар орж ирсэн чи намын нэр барьж шоудахаа одоо боль. Үеийнхэн чинь чиний өмнөөс ичээд нүүр хийх газаргүй болж байна.Одоо намын нэр барьж хүмүүсийн толгой эргүүлж Ерөнхийлөгчийн сонгуульд нэр дэвшээд явж байхаасаа ичээч. Яасан ширлэчихсэн нүүртэй хүн бэ чи” гэжээ.