Сүхбаатарын талбайд өлсгөлөн зарлаж буй АН-ын бүлгийн гишүүд дээр Хуульзүй, дотоод хэргийн сайд Х.Нямбаатар ирж уулзлаа.

Тэрбээр "Хуульзүй дотоод хэргийн сайдын хувьд нэгэн зүйлийг хэлэх гэсэн юм. Жирийн иргэдийг карантилаад 28 хонолоо. Гэтэл УИХ-ын гишүүд чинь жагсаал хийгээд байхыг тарааж болдоггүй юм уу гэдгийг хэлж байна. халдвар хамгааллын дэглэмээ барих хэрэгтэй. Бид УОК-т холбогдох мэдээллийг өгнө. УОК-оос зөвшөөрөл өгвөл та бүхний эсэргүүцлээ илэрхийлэх боломжийг хангах талаар ажиллана. Та бүхэн албан ёсоор өлсгөлөн зарлах бол эрүүл мэндийн хяналтад орох ёстой. Би Нийслэлийн Эрүүл мэндийн газрын даргыг дагуулаад ирсэн.

Гишүүний халдашгүй дархан байдал гэдэг бол хууль зөрч гэсэн үг биш. Та цагдаагийн байгууллагын албан хаагчдыг хүндлэх хэрэгтэй. Өчигдөр Ц.Туваан гишүүн цагдаагийн байгууллагын албан хаагчийг цохисон. Ард иргэд гэртээ карантилагдаад УИХ-ын гишүүд ингэж байж болохгүй. Урд шөнө 12 хүн нас барж, 1000-аад хүн нэмж өвчилж байна. Иргэдтэйгээ яг адилхан эрхтэй байя. 

Хоёрдугаарт... Цагдаагийн байгууллагын ажилтнуудыг хүндэтгэх ёстой. Жил таван сар гэртээ хагас дутуу хонож ажиллаж байгаа хүмүсийг зодож цохисон. Хууль хэрэгжүүлээч гэдэг л шаардлага тавьж байгаа. Цагдаагийн алба хаагчдад нэг тодорхой зүйлийг хэлж байгаа. Хуулинд заасны дагуу хууль ёсны шаардлагаа тавих ёстой. Иргэн, УИХ-ын гишүүн ч бай хэн ч биелүүлэх ёстой. Хууль биелүүлэхгүй бол хуульд заасан дараагийн арга хэмжээ авна гэсэн цагаан цаасан дээр хараар бичсэн хууль байна. Би АН-ын бүлгийн гишүүдэд хоёр л зүйл хэлсэн. Нэгдүгээрт энэ өлсгөлөнгөө зогсоо. Хоёрдугаарт эрүүл мэндийн үзлэгт ор л гэсэн" гэлээ.