“Токио-2020” олимпын наадмын эрх олгох чөлөөт бөхийн хамгийн сүүлийн тэмцээн болох Дэлхийн эрхийн тэмцээн өнөөдөр албан ёсоор эхэлнэ.

 Энэ сарын 6-9-ний хооронд Болгар улсын нийслэл Софи хотноо болох энэхүү тэмцээнджин тус бүрийн финалд үлдсэн хоёр бөхөд олимпын их наадамд оролцох эрх олгох юм. Манай улсын хувьд таван тамирчин оролцох юм.

Энэхүү тэмцээнд оролцох Монгол улсын багийн бүрэлдэхүүн:

- Б. Баттулга - Шигшээ багийн ахлах дасгалжуулагч

- А. Цэдэнсодном - Шигшээ багийн эрэгтэй багийн дасгалжуулагч МУГДасгалжуулагч

- Ө. Ууганбаяр - Шигшээ багийн эмэгтэй багийн дасгалжуулагч

Тэмцээнд оролцох бөхчүүд :

- 57 кг -ийн жинд Насанд хүрэгчдийн дэлхийн аварга шалгаруулах тэмцээний хошой хүрэл медальт, Монгол улсын гавьяат тамирчин Э.Бэхбаяр

- 74 кг -ийн жинд 23 хүртэлх насны дэлхийн аварга шалгаруулах тэмцээний хүрэл медальт, Олон улсын хэмжээний мастер Б.Бямбадорж

- 86 кг- ийн жинд Насанд хүрэгчдийн дэлхийн аварга шалгаруулах тэмцээний мөнгөн медальт, Монгол улсын гавьяат тамирчин П.Өнөрбат

- 97 кг -ийн жинд Азийн танхимын наадмын хүрэл медальт, Олон улсын хэмжээний мастер Ч.Алтангэрэл

- Эмэгтэйчүүдийн 62 кг-ийн жинд Чөлөөт бөхийн "Poland Open", “Иван Яригин” олон улсын тэмцээний аварга, Олон улсын хэмжээний мастер Х.Болортуяа

Тэмцээн Улаанбаатарын цагаар 15:00 цагт эхлэх бөгөөд өнөөдөр барилдах Монголын эрэгтэй дөрвөн бөхийн оноолтыг танилцуулж байна.

Эх сурвалж:  Монголын Чөлөөт Бөхийн Холбоо