Дэлхийн улс орнууд коронавирусийн эрсдлээс сэргийлэх гол аргыг вакцинжуулалт гэж үзэж байна. Манай улс вакцинжуулалт явагдаж байгаа улс орны эхэнд дээгүүр үзүүлэлттэй байгаа ч коронавирусийн өвчлөлийн тоо буураагүй энэ үед иргэд вакцинжуулалтад хамрагдах шаардлага байсаар байна. Зарим улс орны иргэд хүсээд ч вакцинжуултад хамрагдаж чадахгүй байгаагийн дэргэд манай улс харин ч азтай, гэрийнхээ ойр вакцинжуулалтын цэгүүдээр оочер дараалалгүйгээр үйлчилж байна. 

Бүх нийтийн вакцинжуулалтыг эрчимжүүлэх, эрүүл мэндийг хамгаалах үүднээс Засгийн газраас хоёр тундаа хамрагдсан иргэдэд 50 мянган төгрөгийн урамшуулал олгох шийдвэрийг гаргаж, 50 мянган төгрөг иргэдийн данс руу орж эхлэв.

Бид өнгөрсөн хугацаанд хөл хориотой, хоосон анги танхимтай, цахимаар төрсөн өдрөө тэмдэглэсэн, халуун ам бүлээрээ уулзаж чадаагүй гээд хүнд нэг жилийг даван тууллаа. Харин одоо бид КОВИД-ын эсрэг вакцин хийлгэж эхэлсэн, зарим нь хийлгэхээр зэхэж байна. Энэ цар тахал бидэнд вакцины ач тусыг дахин дахин ойлгууллаа. Бид энгийн амьдралдаа эргэн орох ганц итгэл найдвар бол вакцин юм.

 Э.МӨНХ