АН-ын байрны гадаа С.Эрдэнэ тэргүүтэй АН-ыхан өнөөдөр цуглаан хийв. Тэд Сүхбаатарын талбай дээр өлсгөлөн зарлаж буй нөгөө талын АН болох Н.Алтанхуяг тэргүүтэй УИХ дахь АН-ын гишүүдийг буруутгаж дараах мэдээллийг өгөв.

АН-ын дарга М.Тулгат: -Ерөнхийлөгч Сүхбаатарын талбай дээр очсоныг та бүхэн мэдэж байгаа. Ганибал нь хаана байна, тэр нь энэ нь хаана байна гэж асуусныг бүгд мэдэж байгаа. Ерөнхийлөгч, УИХ-ын дарга талбай дээр очсон. Хууль ёсны АН-ыг булшлахыг санаархаж байгаа юм уу. УИХ-ын гишүүн гэдэг байр суурийг УИХ дахь АН-ын гишүүд, Ерөнхийлөгчийн байр суурийг ашиглаж АН-ын гишүүдийг төөрөгдөлд оруулж АН-ыг устгах гэж байна. Монголын ардчилалд аюул учирч байна. Дээд шүүх яагаад ажлаа хийхгүй байгаа юм бэ? Төрийн байгууллага хэнээс ч хараат бусаар ажлаа хийгээч ээ. Ерөнхийлөгч яахаараа талбай дээр гүйж очоод байгаа юм бэ. УИХ дахь АН-ын 11 гишүүн өөрсдийгөө хэн гэж бодоод байгаа юм бэ? АН-ыг төлөөлж УИХ-д суугаа бүлгийн гишүүд хуулиа мөрдөх ёстой. Хуулийн дээгүүр хэн ч алхах ёсгүй. Тэд намынаа дүрмийг мөрдөөч. Ерөнхийлөгчийн сонгуульд хэдхэн хүний ашиг сонирхлоор хуулийн дээгүүр алхах эрх байхгүй шүү” гэв.

Д.ГАРМАА