УИХ-ын  гишүүд төв талбайд өлсгөлөн зарлаад 7 хоногтоо үргэлжилж байна.

СЕХ-оос Н.Алтанхуягыг бүртгэж авахаас татгалзсанаар тэд өлсгөлөн зарлаж эхэлсэн боловч өнөөдөр тэдний зорилго тодорхойгүй болжээ.Өөрөөр хэлбэл тэд өнөөдөр шудрага ёс, дарангуйлал гэсэн ерөнхий сэдвийн хүрээнд зорилгогүйгээр өлсч байна.

Хэн нэгэн улс төрчийн эрх ашгийн төлөө өлсгөлөн зарлаж байгаа АН-ын гишүүдийг намын дэмжигчид нь өлсгөлөнгөө зогсоохын шаардаж эхэлсэн. Мөн гишүүд өлсөхгүйгээр талбай дээр хэвтэж, улс төрийн шоу хийж байгааг өнгөрсөн өдрүүдэд болсон үйл явдлууд харуулж байгаа.

Улмаар зорилгоосоо ухарсан өлсгөлөнгийн цаад зорилгыг олон нийт ойлгож эхлээд, тэдний улс төрийн шоу анхаарал татахаа болиод эхлэх энэ үед эрхэм гишүүд бяцхан үр, гэр бүлийнхнийгээ ээлж дарааллан талбайд авчирч байх юм. Өчигдөр С.Ганбаатар гишүүн охиноо авчирсан зургаа цахим орчинд цацсан бол өнөөдөр өглөө Н.Алтанхуяг гэр бүлийн хүн, охидуудаа талбайд авчирсан зургаа сошиалд цацлаа. Ерөнхийдөө аргаа барсан гишүүд өрөвдүүлэх тактик барихаар болсон ч тактик олон нийтийн эгдүүцлийг ихээр хүргэж байгаа юм.

Цахим орчинд... Цар тахлын үед ийм эрсдэлтэй алхам хийж болохгүй. Улс төрийн бохир тэмцэлдээ гэр бүл, үр хүүхдээ оролцуулж, шоу хийж байгааг нь эсэргүүцэж, өөрийнхөө эрүүл мэндийг боддоггүй юмаа гэхэд хүүхдийнхээ эрүүл мэндийг бодооч, ковидоор өвчлөвөл яана гэх мэт сэтгэгдэл хөвөрч байна.

Улс төрийн ямар ч өлсгөлөн, жагсаалд насанд хүрээгүй хүүхдийг оролцуулахыг хориглодог. Хэдийгээр жагсаалдаа оролцуулаагүй ч өлсгөлөн зарлаж байгаа газраа хүүхдүүдээ авчраад, сошиалаар өрөвдүүлсэн зураг бичлэгээ тарааж байгаа нь өөрөө ёс зүйгүй. Зөвхөн өөрсдийнхөө эрх ашгийн төлөө, улстөржүүлсэн жагсаалдаа хүүхдээ оролцуулж, тэдний эрхэнд халдахаа зогсоогооч, өлсөгчид өө.