Сонгууль бол Үндсэн хуулиар олгогдсон иргэний нэгэн чухал эрх. Зургадугаар сарын 9-ний өдөр Монгол Улсын 2021 оны Ерөнхийлөгчийн ээлжит сонгууль болно.

Ерөнхийлөгчийн энэ удаагийн сонгуульд УИХ-д суудалтай МАН, АН, ХҮН гэсэн гурван намаас нэр дэвшигчид өрсөлдөнө. Сонгогч Та http://election.burtgel.gov.mn/ холбоосоор нэвтэрч Монгол Улсын Ерөнхийлөгчийн сонгуулийн сонгогчдын нэрийн жагсаалт дахь өөрийн болон өөрийн байнга оршин суугаа хаягийн бүртгэлд бүртгэгдсэн нийт сонгогчийн мэдээлэлтэй танилцах боломжтой. Иргэн Та өөрийн хүсэл зоригоор төрөө байгуулах, хяналт тавьж ажиллуулах, итгэлийг тань алдаж хөсөрдүүлвээс сольж өөрчлөх БҮРЭН ЭРХТЭЙ.  Таны энэхүү эрхээ хэрэгжүүлэх гол арга зам бол ардчилсан сонгууль мөн. Сонгогч Та сонгуульд саналаа өгснөөр өөрийн төлөөллийг төрд илгээж, улс орныхоо ирээдүйг ямар байхыг шийдэж байгаа учраас сонгуульд хариуцлагатай, идэвхтэй хамрагдах нь чухал юм.

Б.ОД