Өнөөдөр буюу тавдугаар сарын 14-нд Улсын дээд шүүх төр нийгмийн нэрт зүтгэлтэн С.Зоригийн амь насыг хөнөөсөн хэрэгт ял шийтгүүлсэн Б.Содномдаржаа, Т.Чимгээ нарт холбогдох хэргийн хяналтын шатны шүүх хурал эхэллээ. Шүүх хуралдаан хаалттай явагдах бөгөөд хэргийн шинээр илэрсэн нөхцөл байдлыг Улсын Дээд шүүхийн шүүх бүрэлдэхүүн хянан хэлэлцэх юм. 

Шүүх бүрэлдэхүүн Сүхбаатар дүүргийн Эрүүгийн хэргийн анхан шатны шүүхийн 2016 оны арванхоёрдугаар сарын 27-ны өдрийн 03 дугаар шийтгэх тогтоол, Нийслэлийн Эрүүгийн хэргийн давж заалдах шатны шүүхийн 2017 оны гуравдугаар сарын 14-ний өдрийн 171 дүгээр магадлал, Улсын Дээд шүүхийн Хяналтын шатны Эрүүгийн хэргийн шүүх хуралдааны 2017 оны наймдугаар сарын 04-ний өдрийн 185 дугаар тогтоолтой Ц.Амгаланбаатар нарт холбогдох хэргийг прокурорын бичсэн дүгнэлтийг үндэслэн хаалттай хянан хэлэлцэнэ.

Улмаар Б.Содномдаржаа, Т.Чимгээ нарын өмгөөлөгч Т.Чимгээгийн өмгөөлөгч С.Оюунцэцэг "Шүүгч Б.Цогт ТЕГ-ын дарга асан Б.Хурцтай ойр дотно, гэр бүлийн найз гэж ярьдаг. Б.Хурц нарт холбогдох хэргийн холбогдогч есөн хүний хийсэн ажлын үр дүн. Түүнийг хэлэлцэх гэж байна. Энд ямар нэгэн байдлаар хувийн сонирхол байж болзошгүй гэж үзэж байгаа тул Б.Цогт өмгөөлөгчөөс татгалзаж байна" хэмээн шүүх бүрэлдэхүүнээс татгалзсаны улмаас шүүх хуралдаан түр завсарласан. Харин шүүх бүрэлдэхүүн өмгөөлөгчдийн хүсэлтийг хүлээж авахаас татгалзлаа. ингэснээр шүүх хуралдаан хаалтайгаар үргэлжилж байна.