Ерөнхийлөгчийн сонгуульд ХҮН-аас нэр дэвшигч Д.Энхбат өөрийнхөө сонгуулийн сурталчилгааг албан бусаар цахим орчинд эхлүүлж, “ЭЛИТ ХҮН” гэдэг тодотголтойгоор эхлүүлжээ.

Гэвч нэр дэвшигч Д.Энхбат элит гэдэг тодорхойлолт багтахгүй байна. Аливаа нэг  салбарт амжилт олсон бүхэн элит болохгүй. Өндөр албан тушаалтнууд, баян  чинээлэг давхрагынхан, нэрд гарсан одод, урлаг уран сайхныхан ч тэр бүр элит байх шалгуурыг давахгүй. Товчхон хэлбэл энэ улс орныг удирдаж яваа эрх мэдэл бүхий албан тушаалтнууд, алдартай одод, бизнесийн баячууд элитүүд гэсэн үг биш. Өөрөөр хэлбэр өөрийнхөө карьерийг өндөр өргөх дуртай хүмүүс өөрсдийгөө элит гэж нэрлэдэг болоод байна.

Манай улсын нийгэмд элит гэж ойлгогдож буй хүмүүс бол бизнесийн баячууд. Тэд амьдрал мэдэхгүй, нийгмээсээ тасарсан, гадаадын үнэтэй брэнд хэрэглэсэн байх бөгөөд аман дээрээ ард түмний төлөө гэж ярьж байна. Тод жишээ нь Д.Энхбат.

Аман дээрээ ардын төлөө гэх боловч ардаа өөрийнхөө төлөө ажиллаж байдаг. Д.Энхбат 2008 оны 7-р сарын 1-ны өдрийн үймээнийг эхлүүлсэн, зохион байгуулагчдын нэг. Тэр 7-н сарын 1-ны үймээний хариуцлагаа өнөөдрийг хүртэл үүрээгүй байна.

Өөрийгөө элит гэж дөвийлгөөд байгаа Д.Энхбат элит байж чадахгүй нь өнгөрсөн үйл явдлууд батлах байх. Хэлсэн үг хийсэн ажил нь ямагт зөрдөг, өөрийнхөө төлөө ажилладаг хүнийг элит гэж тодорхойлж болох уу?