УИХ-ын Эдийн засгийн байнгын хорооны өнөөдрийн хуралдаанаар “Хүн ам, орон сууцны 2020 оны улсын тооллогын дүн”-г танилцууллаа.

2020 оны тооллогын үр дүнгээс:

Монгол Улсын нийт хүн ам 3,296,866. Үүнээс Монгол Улсын нутагд дэвсгэрт оршин суугаа хүн амын тоо 3,197,020. Гадаадад зургаан сараас дээш хугацаагаар амьдарч байгаа иргэдийн тоо 122,301 байна.

ҮСХ-ноос 2015 онд гаргасан хүн амын хэтийн тооцооллоор Монгол Улсын хүн амын тоо 2031 он гэхэд дөрвөн саяд хүрнэ гэж үзсэн.

Тооллогын үр дүнгээс нийт хүн амыг нас, хүйсээр нь ангилбал, нийт хүн амын 56.6 хувь нь 18-59 насны, 18-аас доош, 59-өөс дээш насныхны хүн амд эзлэх хувь 55.3 байна. Өөрөөр хэлбэл, хүн ам зүйн ачаалал 55.3 хувьд хүрсэн байна. Дундаж хүн амын нас  27.9 байна. Нийт хүн амын 32 хувь нь хөдөө, 68 хувь нь хот сууринд амьдарч байна. Эндээс нийт хүн амын 46 хувь нь Улаанбаатарт амьдардаг гэсэн судалгаа гарсан.

Гадаадад байгаа 122,301 хүний 34.2 хувь нь сурах, 20.6 хувь нь ажиллах зорилготой явжээ.