АН-аас цаг үеийн асуудлаар мэдээлэл хийж байна. АН долоо хоногийн бүрийн пүрэв гарагт 4:11 мэдээллийн цагаар тогтмол мэдээлэл хийж байгаа билээ. Өнөөдрийн ээлжит мэдээллээрээ тэд хар машины лиценз дууссан ч СЕХ сунгуулаагүй бөгөөд хэдэн IT залуу хакерддаг талаар мэдээллээ.

Тодруулбал, хар машиныг хакердаж төрийн эрх мэдлийг авах үйл ажиллагаанд оролцож хуулийн байгууллагад шалгагдаж байсан системийн инженер мэргэжилтэй залуу мэдээлэл хийж байна. Уг үйл ажиллагааг МАН-ын нийслэлийн хорооны дарга Д.Сумъяабазар, Д.Амарбаясгалан болон АН-ын хэрэг эрхлэх газрын дарга П.Нүрзэд, Нийслэлийн Ардчилсан намын дарга Д.Пүрэвдаваа нар зохион байгуулсан гэж тус гэрч мэдэгдсэн юм.  

Мөн АН-ын дарга М.Тулгат: Цар тахлын улмаас 230 орчим иргэд амь насаа алдаж, аж ахуйн нэгжийн үйл ажиллагаа хямарч байна. Тиймээс энэ нөхцөлд Ерөнхийлөгчийн сонгуулийн сурталчилгааны хугацаанд цар тахлыг нэмэгдүүлэхгүй байх үүднээс уулзалтуудаа хамтарсан байдлаар хийх. Хэвлэл мэдээллийн хэрэгслээс санал мэтгэлцээн явуулах. Таван удаа нийгэм эдийн засгийн асуудлаар таван удаагийн халз мэтгэлцээн явуулах уриалгыг дэвшүүлж байна. Сонгогчдод боломж олгох үүднээс сурталчилгааны материалаа нэгдсэн байдлаар явуулах хэрэгтэй хэмээн уриалж байна" гэлээ.