УИХ: Ерөнхийлөгч хориг тавьснаас хойш Ерөнхийлөгчийн сонгуулийн тухай хуулийн үйлчлэл зогсох уу?

У.Хүрэлсүх: Монгол Улс бэлчээр, нүүдлийн мал аж ахуйн салбарт дэлхийн хамтын ажиллагааны идэвхтэй төв байхыг зорьж байна АТГ-ын мөрдөгч “Secondment” хөтөлбөрийн хүрээнд БНСУ-ын Дээд Прокурорын газарт ажиллахаар болжээ Гандантэгчэнлин хийдээр аялаж явсан аялагчийн 2900 юань хулгайд алдагджээ Г.Жаргалсайхан: Нийслэлийн малчид хоршоо байгуулж, сүү, сүүн бүтээгдэхүүн үйлдвэрлэж байна Салбарт нь олон жил ужгирсан асуудлуудыг шийдэх, эрх зүйн шинэчлэл хийх боломжийг судлах үүрэг өглөө 1000 хүнийг ажлын байраар хангах төмөр замыг монголчууд өөрсдөө барьж байна “Цэмбэгэр Улаанбаатар” давалгаанд нэгдсэн залуус Сүхбаатарын талбайг угаалаа Наймдугаар сарын 17-28-ны өдрүүдэд богино эргэлтийн хоёр чиглэлд автобус үнэ төлбөргүй үйлчилнэ Улаанбаатарт бага зэргийн аадар бороо орно Газрын тосны үйлдвэрийн бүтээн байгуулалтыг дотоодын цэргүүд хамгаална Дэлхийн малчдын чуулга уулзалтын хүрээнд эмэгтэй малчдын тунхаглалыг хэлэлцэж байна ГИХГ-ын дарга Б.Энхсүх БНХАУ-ын Элчин сайдын яамны төлөөлөгчдийг хүлээн уулзав Засгийн газар аймгуудыг асуудлаа өөрсдөө шийдэх боломжийг нэмэгдүүлж, эрхзүйн саадыг арилгана Говийн бүс нутгийн баруун өмнөд хэсгээр +34 градус хүртэл хална МИАТ: Японд үүссэн хар салхины улмаас зарим нислэгийн хуваарьт өөрчлөлт орлоо

УИХ-ын чуулганы үдээс хойшхи чуулганаар Монгол Улсын Ерөнхийлөгчийн сонгуулийн тухай хуульд өөрчлөлт оруулах тухай хуульд бүхэлд нь тавьсан Ерөнхийлөгчийн хоригийг хэлэлцэж байна.

Өнгөрсөн оны 12 р сард УИХ-аар баталсан Ерөнхийлөгчийн тухай хуулийн хоёр заалт үндсэн хууль зөрчсөн байна гэж цэц дүгнэлт гаргасан. Улмаар цэцийн дүгнэлтийг УИХ хүлээж авч энэ оны дөрөвдүгээр сард нэмэлт өөрчлөлт оруулан баталсан юм. Энэхүү нэмэлт өөрчлөлтөд Ерөнхийлөгч бүхэлд нь хориг тавьсан бөгөөд энэ хоригийг хүлээж авах боломжгүй гэж УИХ-ын Төрийн байгуулалтын байнгын хороо үзсэн билээ.

УИХ-ын гишүүн Ш.Адьшаа: Энэ Ерөнхийлөгчийн хориг дээр тавигдсан хоригийг зарчимын хувьд дэмжиж байна. 2021 оны 4-р сарын 29-ны өдөр батлагдсан Ерөнхийлөгчийн сонгууль хүчин төгөлдөр мөрдөгдөж байгаа юу?

УИХ-ын гишүүн С.Бямбацогт: Хууль үйлчилж эхэлсэн үед хориг тавьсан тохиолдолд хуулийн үйлчлэл зогсдоггүй. Ерөнхийлөгчийн хориг 5-р сарын 6-нд тавьсан. Ерөнхйилөгчийн сонгуулийн хуулийн нэмэлт өөрчлөлт 4-р сарын 30-аас хэрэгжиж эхэлсэн. Тэгэхээр хориг тавигдсан ч нэмэлт өөрчлөлт орсон хууль үйлчилж байгаа.

Ерөнхийлөгчийн Тамгын газрын дарга Ө.Шижир: Ерөнхийлөгчийн хориг бол УИХ-ын баталсан хууль хүчин төгөлдөр үйлчилж эхлэхээс өмнө алдаа гарсан бол засаж залруулах боломж олгож, УИХ-ыг хянаж байгаа хэлбэр юм. Хоригийг эргээд УИХ хэлэлцэж байгаад нь үүний үндсэн зарчим оршдог. Хуулийн дагуу УИХ-ын баталсан хуулийг ёсчилж ирүүлснээс хойш таван хоногийн дотор Ерөнхийлөгч хориг тавина гэдэг заалт бий. Ерөнхийлөгчийн хоригийг авсан, аваагүйгээс хойш хууль хүчин төгөлдөр үйлчилнэ. Гэтэл өнөөдрийн болоод байгаа үйл явцыг Ерөнхийлөгчийн сонгуультай холбон тайлбарлаад байгаа. Тэгэхээр Монгол Улсын Ерөнхийлөгчийн сонгуулийн тухай хууль хориг тавьснаас хойш өнөөдрийг хүртлэх хугацаанд түр түдгэлзсэн байгаа.

Ингээд Байнгын хороодын зүгээс гаргасан Монгол Улсын Ерөнхийлөгчийн сонгуулийн тухай хуульд өөрчлөлт оруулах тухай хуульд бүхэлд нь тавьсан Монгол Улсын Ерөнхийлөгчийн хоригийг хүлээн авах боломжгүй гэсэн дүгнэлтийг дэмжих эсэх талаар санал хураалт явуулахад vанал хураалтад оролцсон гишүүдийн 86.4 хувийн саналаар хоригийг хүлээн авахыг дэмжсэнгүй.

Ингэснээр Монгол Улсын Ерөнхийлөгчийн тухай хуульд өөрчлөлт оруулах тухай хууль хүчин төгөлдөр үлдлээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.