Улсын Онцгой комиссын Ажлын хэсгийн өнөөдөр мэдээлэл хийлээ. Тус мэдээлэлд ирэх хагасайн өдөр буюу энэ сарын 22-нд үйл ажиллагаа нь нээгдэх аж ахуйн нэгжийн ажиллах цаг болон томоохон зах, худалдааны төвүүдийн талаар мэдээлэл өгсөн юм.  

Улаанбаатар хотын ерөнхий менежер Т.Гантөмөр: "Бүх төрлийн хүнсний дэлгүүрүүд өнөөдрөөс эхлэн 22:00 цаг хүртэл ажиллана. Ресторанууд хуучин цагийн хуваариар буюу 00:00 цаг хүртэл ажиллах юм. 

Мөн тавдугаар сарын 22-ноос эхлэн доор дурдах есөн томоохон зах худалдааны төв ажиллах бөгөөд УОК-оос гаргасан холбогдох шийдвэр буюу коронавирусийн халдвараас урьдчилан сэргийлэх түр журам, тусгай нөхцөл шаардлагыг биелүүлэх ёстой" гэлээ.

Тавдугаар сарын 22-ноос үйл ажиллагаагаа явуулж эхлэх зах, худалдааны төвүүд:

1. Хархорин,
2. Шинэ Сандэй, 
3. Нарантуул,
4. Дүнжингарав,
5. Сандэй плаза
6. Шөнийн зах,
7. Содон бөмбөгөр,
8. Алтжин бөмбөгөр,
9. Бөмбөгөр худалдааны төв