Дэлхийн Эрүүл Мэндийн Байгууллагаас энэ оны 3-р сарын 11-нд албан ёсоор COVID-19 халдварт өвчнийг цар тахал хэмээн үзсэн. Нөхцөл байдлаас шалтгаалан ал өнөөг хүртэл тодорхойгүй байгаа ч Олон улсын Олимпын хорооноос зуны 32 дахь удаагийн олимпын их наадам 2021 оны долдугаар сарын 23-наас наймдугаар сарын 8-ныг дуусталх хугацаанд Токио хотод зохион байгуулагдахаар болсныг албан ёсоор зарласан билээ. 

Тус 2021 онд зохион байгуулагдахаар болсон зуны Олимпод 200 гаруй улс орны 11 мянга орчим тамирчин нийт 33 спортын төрөлд өрсөлдөнө.

Үүнтэй холбогдуулан Монголын чөлөөт бөхийн холбооны дасгалжуулагчдын өргөтгөсөн хуралдаан өнөөдөр болж, "Токио-2020" олимпийн наадамд оролцох баг тамирчдаа сонгожээ.

Хурлаар "Нур-Султан-2019" ДАШТ, энэ жилийн Алматыгийн Ази тивийн эрхийн тэмцээн, Софигийн Дэлхийн эрхийн тэмцээнээс эрхээ авсан есөн тамирчныг олонхийн саналаар олимпийн наадамд барилдуулахаар шийдсэн байна. Улмаар Олимпийн наадамд оролцох Монголын тамирчдын нэрс ил боллоо. Ингээд "Токио-2020" олимпийн наадамд оролцох чөлөөт бөхийн тамирчдыг танилцуулж байна. 

Эрэгтэйчүүдийн

57 кг: Эрдэнэбатын Бэхбаяр

65 кг: Төмөр-Очирын Тулга

125 кг: Мөнхтөрийн Лхагвагэрэл

Эмэгтэйчүүдийн

50 кг: Цогт-Очирын Намуунцэцэг

53 кг: Бат-Очирын Болортуяа

57 кг: Болдсайханы Хонгорзул

62 кг: Хүрэлхүүгийн Болортуяа

68 кг: Соронзонболын Батцэцэг

76 кг: Очирбатын Бурмаа

Эх сурвалж: Монголын чөлөөт бөхийн холбоо