Барилга, хот байгуулалтын яам, зам тээврийн хөгжлийн яамны хамтарсан ажлын хэсэг хуралдлаа

Засгийн газрын Хяналт хэрэгжүүлэх газартай хамтран ажиллах санал солилцлоо AI, өгөгдөл, дрон, кибер аюулгүй байдлын мэргэжил эрэлттэй байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Японы эзэн хаан, хатан хаан долдугаар сарын эхээр Монголд айлчилна Хоёрдугаар сарын 1-нээс нийтийн тээврээр 1000 төгрөгөөр өдөрт дөрвөн удаа зорчино Хүндэтгэх шалтгаанаар нийслэлд 48 цагаас дээш хугацаанд зорчсон орон нутгийн тээврийн хэрэгсэл 5000 төгрөгийн хураамж төлөхгүй Вашингтон хотод газардах гэж байсан зорчигч тээврийн онгоц нисдэг тэрэгтэй мөргөлдөн осолджээ Нийтийн эзэмшлийн зам талбайг зөвшөөрөлгүй ашиглаж байгаа зөрчлийг арилгуулж байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Олон улсын өсвөрийн энтрепренерүүдийн уралдаан зарлагдлаа Олон улсын шуудан илгээмжээр дамжуулан мансууруулах бодис улсын хилээр нэвтрүүлсэн хэргийг шүүхэд шилжүүлжээ Ойрын хоногуудад нутгийн баруун хагаст өдөртөө хүйтний эрч бага зэрэг суларна Нидерландад бүлэг хулгайч нар 2500 жилийн настай алтан дуулга болон бусад эртний эдлэлийг тоножээ ФОТО: Хүүхдийн гэгээлэг ертөнц ФОТО: Хүүхдийн гэгээлэг ертөнц

Барилга, хот байгуулалтын яам, Зам тээврийн хөгжлийн яамны хамтарсан ажлын хэсэг өнөөдөр хуралдлаа. Энэхүү ажлын хэсэг нь Засгийн газрын 2021-2024 оны үйл ажиллагааны төлөвлөгөөнд тусгагдсан барилга, хот байгуулалт, зам, тээврийн дэд бүтэц байгуулах чиглэлээр хийгдэхээр тусгагдсан үндэсний хэмжээний томоохон төсөл, хөтөлбөрүүдийг хэрэгжүүлэхэд салбар хоорондын уялдааг хангах, нэгдсэн удирдлага, зохион байгуулалтын хүрээнд хамтарч ажиллах чиг үүрэг бүхий ажлын хэсэг юм. Ажлын хэсгийг ахалж ЗТХ-ийн дэд сайд Ж.Бат-Эрдэнэ, ажлын хэсгийн дэд даргаар БХБ-ын дэд сайд Э.Золбоо нар тэргүүлэн ажиллаж байна.

Хуралдаанаар Төв аймгийн Сэргэлэн сумын нутаг дэвсгэр, Хөшигийн хөндий дэх хот байгуулалт, дэд бүтцийн нэгдсэн төлөвлөлтийн төслийн тухай, Улаанбаатар хотын 2040 он хүртлэх хөгжлийн ерөнхий төлөвлөгөө боловсруулах ажлын явц болон Улаанбаатар хотын зам, тээврийн төлөвлөлт, Дорноговь аймгийн Замын-Үүдийн чөлөөт бүсийн хөгжлийн ерөнхий төлөвлөгөө зэрэг үндсэн зургаан бүлэг бүхий асуудлыг хэлэлцсэн байна.

Төв аймгийн Сэргэлэн сумын нутаг дэвсгэр, Хөшигийн хөндий дэх хот байгуулалт, дэд бүтцийн нэгдсэн төлөвлөлтийн төслийг зарчмын хувьд дэмжиж, Нийслэлийн “Хот төлөвлөлт, судалгааны институт” ОНӨААТҮГ болон ”Некст степ инженеринг” ХХК-д холбогдох нарийвчилсан судалгаа, мэдээ, мэдээллээр хангаж ажиллах чиглэл өгсөн байна. Мөн Улаанбаатар хотын 2040 он хүртлэх хөгжлийн ерөнхий төлөвлөгөө боловсруулах ажилтай танилцаад тус хөгжлийн ерөнхий төлөвлөгөө боловсруулахад шаардлагатай холбогдох нарийвчилсан судалгаа, мэдээ, мэдээллээр тухай бүр хангаж ажиллах, Улаанбаатар хотын зам, тээврийн төлөвлөлтийн асуудлыг судлан үзэж Нийслэлийн “Хот төлөвлөлт, судалгааны институт” ОНӨААТҮГ –т нарийвчилсан санал өгч, хамтран ажиллахаар болжээ.

Түүнчлэн Замын-Үүд чөлөөт бүсийн хөгжлийн ерөнхий төлөвлөгөө боловсруулах ажилтай танилцаад авто зам болон төмөр замын төлөвлөлттэй холбоотой асуудлаар санал өгөх, ЗТХЯ болон ГЗБГЗЗГ-аас үүсгэсэн олон улс, улсын чанартай авто замын мэдээллийн сан дахь өгөгдлүүдийг нэг бүрчлэн харьцуулан үзэж, нэгтгэн боловсруулж мэдээллийн санд тусгах асуудлаар хамтран ажиллахаар шийдвэрлэлээ. Сумдыг улсын чанартай авто замтай холбох авто замуудын трассын дагуух газрыг ГЗБГЗЗГ-аас Газрын кадастрын мэдээллийн нэгдсэн санд оруулж давхцлыг шалгаж тайлан боловсруулан ЗТХЯ-нд хүргүүлэхээр тус тус шийдвэрлэлээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.