Сүүлийн өдрүүдэд Ковид-19 халдвар нэмэгдэж байгаа учраас Ерөнхийлөгчийн сонгуулийн дараа дахин хөл хорио тогтооно гэх мэдээлэл гарах болсон. Тэгвэл үүнийг УОК-ын эх сурвалж үгүйсгэлээ.

Энэ талаар Засгийн газрын хэвлэлийн төлөөлөгч Ц.Ганзориг "Сонгуулийн мөрийн хөтөлбөрүүд сурталчих орон зайг хуурамч мэдээллээр хольж, олныг айдас, хий үзэн ядалтад автуулахгүй байхыг хүсье ээ. Засгийн газар, Улсын онцгой комиссоос хөл хорихгүйгээр 6-р сарын 15 гэхэд давтан тунг насанд хүрсэн иргэдээ хамруулна. 7-р сарын эхээр вакцины үр дүнд халдвар илт буурч, энгийн амьдрал руу шилжих хүлээлттэй байна. Өчигдрийн байдлаар 1-р тунд 1,847,246 иргэн буюу 89.4%, 2-р тунд 1,025,326 иргэн 50 хувь нь хамрагдсан. Өмнөх өдрөөс 84,688 хүнээр нэмэгдсэн" гэх мэдээллийг өглөө.