Ч.Өнөрбаяр: 2021 оны Ерөнхийлөгчийн сонгуулийн үеэр сонгуулийн ажиглах хороог анхаарч ажиллаасай гэж хүсч байна

Ерөнхий сайдын үгийн цөм - Мега төсөл “Ирээдүйн хотын иргэд” төслийн хүрээнд сурагчдыг төрийн байгууллагын үйл ажиллагаатай танилцуулна Дотоод хэргийн их сургуулийг Сүхбаатарын одонгоор шагналаа Д.Цогтбаатар: Хууль тогтоомжийн тухай хуульд нэмэлт, өөрчлөлт оруулах тухай төслийг боловсруулах ажлын хэсэг шуурхай ажиллах шаардлагатай Морин хуур хөгжмийн үйлдвэрлэлийг нэмэгдүүлэхэд төрөөс бодлогын дэмжлэг үзүүлнэ "Эрдэнэс Тавантолгой"12 сая тонн нүүрс борлуулжээ Монгол Улсын Ерөнхийлөгч У.Хүрэлсүх Зэвсэгт хүчний 032 дугаар ангид ажиллалаа Шинэ тойрог замын зөвлөх үйлчилгээний олон улсын нээлттэй тендерийг ирэх 7 хоногт зарлана ДХИС-ийн захирал Пүрэвдоржийн Батбаатарт Бригадын генерал цол хүртээв Имарт Баянгол салбарт "Гал унтраах" тактикийн дадлага, сургууль амжилттай зохион байгуулжээ УИХ-ын чуулганд Ерөнхий сайд ирэх оны төсвийн талаар үг хэлнэ Б.Тэгшбаяр: Энэ онд далд зогсоолыг барьж, ирэх хавар цэцэрлэгт хүрээлэнгийн тохижилтыг хийнэ АТГ: Эрдэс баялгийн мэргэжлийн зөвлөлийн гишүүдийн томилгоо, шийдвэр гаргалтад дүн шинжилгээ хийв "Монгол Улсын хөгжлийн 2025 оны төлөвлөгөө батлах тухай” УИХ-ын тогтоолын төслийн нэг дэх хэлэлцүүлгийг хийлээ Улаанбаатар метроны барилга угсралтын гүйцэтгэгчийг сонгон шалгаруулах I шатны тендерийг зарлажээ

Ардчилсан намын Ерөнхий нарийн бичгийн дарга Ч.Өнөрбаяр өнөөдөр/2021-05-31/ Монгол Улсын Ерөнхийлөгчийн 2021 оны ээлжит сонгуулийг ажиглах Европын аюулгүй байдал, хамтын ажиллагааны байгууллага (ЕАБХАБ)-ын Ардчилсан институт, хүний эрхийн газрын Сонгууль ажиглах тусгай хорооны тэргүүн Лолита Чигане болон Улс төр шинжээч Мауро Калво нартай уулзжээ.

Ардчилсан намын Ерөнхий нарийн бичгийн дарга Ч.Өнөрбаяр 2020 оны УИХ, орон нутгийн сонгуулийн дүнд хууль бусаар нөлөөлсөн байж болзошгүй хэрэг одоог хүртэл үнэн зөвөөр шийдэгдээгүй байгааг хэлээд энэ удаагийн Ерөнхийлөгчийн сонгуульд энэ хууль бус үйлдэл давтагдах магадлалтай байна. Энэ асуудалд Сонгуулийн ажиглах хороог анхаарч ажиллаасай гэж хүсэж буйгаа илэрхийлсэн юм.

Сонгуулийн ажиглах хорооны тэргүүн Лолита Чигане Ерөнхийлөгчийн сонгуульд ажиглагчаар оролцохдоо ардчилсан сонгуультай холбоотой олон улсын хэм хэмжээ, үндэсний хууль тогтоомжтой хэрхэн нийцэж буй эсэхийг ажиглан үнэлэлт дүгнэлт өгч, зөвлөмж гарган, ажиглалтын тайлангаа олон улсад нээлттэй танилцуулж ажиллана гэлээ. Мөн Сонгуулийн ажиглах хорооны тэргүүн Лолита Сигане нэр дэвшигч С.Эрдэнэтэй ирэх зургадугаар сарын 03-ны өдөр уулзах цаг товлолоо.

АИХЭГ-аас Сонгууль ажиглах тусгай хороог энэ сарын 25-наас эхлэн Улаанбаатар хотноо байгуулан ажиллуулж эхэлсэн бөгөөд Тусгай хорооны бүрэлдэхүүнд Сонгууль ажиглах хорооны дэд тэргүүн Жилл Сафи, сонгуулийн шинжээч Марцела Маскова, хуулийн шинжээч Рената Тардиоли, улс төрийн шинжээч Мауро Калво, хэвлэл мэдээллийн шинжээч Пьетро Тесфамариам, сонгуулийн зөвлөх Кеара Касталдо нарын олон улсын шинжээч мэргэжилтнүүд багтаж байна. Эдгээр шинжээчид нь Латви, Франц, Итали, Чех, Испани, АНУ-аас ирж ажиллаж байгаа юм байна.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.